Matay 13:23 - Seysyo No Tao

²³ O nizomsi do apya so tanatana am katonodan no tao a omamizing so ciring na ni Ama ta do to a makateneng rana jya a pangozayan a peyvazain. So icyakma ney malasi so makapoo (100) a kano sikanem a ngarnan (60) a kano sikatlo a ngarnan (30) so kasahasahang.”

Matay 13:23 ပူးပေါင်းရင်းမြစ်များ

Matay 12:33

“O kakanen so asi a kayo am kanen o asi na. O ji ngangana so asi a kayo am ji nganna o asi na. So to na macilociloloi do kakayokayo na no asi na.

Matay 13:8

O zomsi do apya so tanatana am apiya o kalidalida na a kapakapya na rana malasi. So iyan no makapoo (100) a kano sikanem a ngarnan (60) a kano sikatlo a ngarnan (30) so kasahasahang.”

Matay 3:10

Yana mazomtad o zaig do atngeh no kayo. O ji malasi a kayo am miminen na atbahen a kapasleb na sya do apoy.

Matay 3:8

Ta si mamlis kamo na so icicirawat am ori o ikanoyong nyo rana yana nikomaro do peyraratenan nyo.

Make 10:15

Ko pa ipanci jinyo am o tao a makza no katalamozong na nira ni Ama ta do to am inarahen da o kanakan a meyhanhan no inyapwan da.”

Make 4:20

O nizomsi rana do apya so tanatana am akman so tao a omamizing so ciring na ni Ama ta do a meyngongyod a meyhanhan nya do onowned da. So icyakman da so aro so asi a kayo.”

Locya 13:9

Simakseysawan a kapeyyasi na am ori o vezedan ta sya. No si ji meyyasi am ori o atbahan ta na sya.’ ”

Locya 8:15

O nimakas do apya so tanatana am akman so tao a omamizing so ciring na ni Ama ta do to a meyngongyod a meyhanhan nya do onowned da.

Locya 8:8

Amyan so nizomsi do apya so tanatana am ori o ney yapya na so ininsyan. Omsi am nikaranaranaw o asi na.” Pakavosen na o kapangnanao na am amlololos a manci no, “Amizngen nyo an, peyyanen nyo do onowned nyo ori an.”

Yowani 15:16

Beken a inyo o yanimamnek jyaken, ta yaken o yanimamnek jinyo. So ko tovoyan jinyo a mangay meyvazay so makasidong so tao a vazay. Ta o akman rana sang a vazay am tey saray na ni Ama ta do to a mangay no makwa. Si akman kamo sang am no mapasyasi kamo ji Ama am itoro na jinyo.

Yowani 8:47

O akma ney anak ni Ama ta do to a tao am ori omamizing so ciriciring na ni Ama ta do to. Inyo rana am beken a akma ney anak inyo ni Ama ta do to. Am ori o nyo ji ngamizngi sya.”

Nimlivolivon 16:14

Amyan jira ang so asa ka mavakes apo do Tiyatila a meyngaran si Ditiya. O vazay na am macinginangina no masingat a akmey nikowpasan a vangkoro a milakayob. Makdeng o nakenakem na ji Ama ta do to. Mamizing na o ipangnanao ni Pawlo a ciring ni Yeso am mina todeywangi o onowned na, do kanisomidong na sya ni Ama ta do to.

Nimlivolivon 17:11

O tao rana dang am apyapya sira kano sinjya do Tesalonicya. Ta makdeng sira omamizing so ipangnanao da Pawlo. Masangib sira do araraw a tomita so Seysyo. Kakzeben da katenngan o kanoyong na kalas na no ipanci na ni Pawlo.

2 Kedinto 9:10

Si Ama ta do to am yapwan no mowahen da kano kanen da. Akman sang an, ta anoyngan nyo si Ama ta do to a manta ninyo so makakaday a ipanidong nyo so tao. So ikakman nyo so kayo so pangangarilawan a mapka no asi na.

Veydipi 1:11

So ikasasaray nyo a mapeyvazay so apiya vazay do kowyat na jinyo ni Yeso Kizisto. Ta si makman kamo sang am azwazwain da rana si Ama ta do to no aro a tao.

Veydipi 4:17

Ji ko ngakzeba o kazaw nyo jyaken. Ta tey kakza ko ji Ama ta do to o karwaro na pa no isidong na jinyo do kapiya no nakenakem nyo jyaken.

Kelosi 1:10

No si akman sang am manoyong kamo na macipayok so vazay ji Yeso Kizisto a Panirsirngen ta, do kahap nyo so vazay na a meypahagnat rana so onowned a makateneng rana ji Ama ta do to.

Kelosi 1:6

Beken a inyoo o na peylimwangan no Mapasaray a Ciriciring na ni Ama ta do to, ta yarana nimeylimwang do peycyamahamahatawan na. So da rana ipamlis no tao. So da icyakman jinyo a yarana makateneng do pangangarilawan na ni Ama ta do to.

1 Tesalonicya 4:1

Manga kakteh, nyo na nimahap jyamen o apiya icicirawat a isaray na ni Ama ta do to. Sicyaikwa rana ya am namen vavagan inyo no ngaran ni Yeso Kizisto a Panirsirngen ta. Ta ori o ikowyowyat nyo paha a mahap so apiya vazay.

2 Tesalonicya 2:10

kalita na do ji manganoyong a tao no meykamadadayan a vazay, ta ji da ngahapa o manoyong a nanao na ni Ama ta do to a manta nira so to meyyonong a ikavyay no pahad da.

Sipolay 4:2

Tamo akman so ineynapo ta ang a yarana nimakamizing so Mapasaray a Ciriciring na ni Ama ta do to. Am da ji meypapyan o da nimamizing a nanao na ni Ama ta do to. Ta da ji nganoyngi.

Sipolay 6:7

No masangib a kacimoyan o nihakawan am isaod na. O akman rana sang am tey yapya do mata no mapeynihakawan sya. Am ori rana am si Ama ta do to o mapasaod sya.

Sipolay 8:10

Maniring pa jira si Ama ta do to am, ‘Ipatnek ko sira o Isedi a tao so pangozayan da a ciring no makwa. Peydednahen ko o iwawalam ko do oo da kapangay ko sya do onowned da. Abneken da yaken a Tao do to da. Abneken ko sira akma koy anak.

2 Pite 3:18

Am meypahagnat kamo so nakem a makateneng ji Yeso Kizisto a Panirsirngen ta a mapatazadang jyaten do teyngato, a makateneng do karilawan na ninyo. Inaoy si mangay jya o azwazway sicyaikwaya kangay na do kaidan no karawan. Amin.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.