Matay 13:14 - Seysyo No Tao

¹⁴ Am ori o na todey mangononong do mina ciring no panoyonoywan na so ciring ni Ama ta do to a meyngaran so Isayya. Ta maniring am, ‘Manoyong o kamizing nyo sya am ji nyo a tenngi. Macita nyo am ji nyo a pengkad.

Matay 13:14 ပူးပေါင်းရင်းမြစ်များ

Make 4:12

Akman so ciring do Seysyo. Maniring am, ‘Tana citacitahen da am akma dey jyacita. Tana amyamizngen da am ji da tenngi. Yabo da kasngesngenan jyaken. Makongo ko so wanjin a amvonas so raraten da.’ ”

Locya 8:10

Maniring jira am, “O ji na nipatwaw pa peypeypangayan na no katalamozong na ninyo ni Ama ta do to o ipanci ko jinyo an. Am o karwan da no tao am nanawen ko sira no payyaingan ko sya ciring. Ta tana citacitahen da am akma dey jyacita. Tana amyamizngen da am ji da tenngi.

Loma 10:16

Am beken a todamimin o tao a omanoyong do Mapasaray a Ciriciring na. Maniring si Isayya am, “Mo Panirsirngen, sino omanoyong do yanamen ipeylimwang a ciriciring mo.”

2 Kedinto 3:14

Am o onowned da am yakmey kaneban yatodangay sicyaikwaya. Ta no yada vilangan o yamakakaday a vakong do adan a Seysyo am yakman sang a yamabengbeng o onowned da. Ta o macitovong a tao ji Kizisto o ikapakaro no ombengbeng do onowned da.