Matay 13:11 - Seysyo No Tao

¹¹ Tovisan ni Yeso am, “O ji na nipatwaw pa a peypeypangayan na do talamozongan na ninyo ni Ama ta do to o nipanci ko jinyo. Am o karwan no tao am da pa jyatenngi ori.

Matay 13:11 ပူးပေါင်းရင်းမြစ်များ

Matay 13:10

Mai sira o macinanao ji Yeso am maniring sira jya am, “No mo nanawen sira o tao am ikongo o mo pehngehngayan so ciring mo.”

Matay 16:17

Maniring si Yeso am, “Imo rana Simong a anak ni Yowani am ka tey yapya so ngilin. Ta o nanao rana ya am beken a tao yanimapahap sya jimo. Ta si Ama ta do to o yanimapatwaw sya jimo.

Matay 19:11

Maniring si Yeso am, “O akman rana sang a nanao am beken a todamimin o tao a makahap sya. Ta o nioyatan ni Ama ta do to a tao o makahap so sang.

Matay 20:23

Maniring jira si Yeso am, “Manoyong kahap nyo so alalaw ko. Am beken a yaken o mamnek do tao a omlisna do wanan ko a kado ozi ko a meypanirsirngen. Ta si Ama ta do to o mamnek do amlisna do dang.”

Make 10:40

Am beken a yaken o mamnek do omlisna do ozi ko a kado wanan ko a meypanirsirngen. Ta o pamnemnekan na ni Ama ta do to a tao o amlisna do dang.”

Make 4:11

Maniring si Yeso am, “O ji na nipatwaw pa peypeypangayan na no katalamozong na ninyo ni Ama ta do to am ipanci ko jinyo an. O karwan da no tao am nanawen ko sira no pehngehngayan ko so ciring ko.

Locya 8:10

Maniring jira am, “O ji na nipatwaw pa peypeypangayan na no katalamozong na ninyo ni Ama ta do to o ipanci ko jinyo an. Am o karwan da no tao am nanawen ko sira no payyaingan ko sya ciring. Ta tana citacitahen da am akma dey jyacita. Tana amyamizngen da am ji da tenngi.

Yowani 6:65

Maniring am, “Ori o ko peycirngan so, ‘No beken a si Ama ta do to o yatomirara sira am abo tao a mai jyaken.’ ”

Yowani 7:17

No manoyong o tao a mangononong do apyahen ni Ama ta do to am katenngan na o ka yaken na, ka si Ama ta do to no nanao.

Nimlivolivon 16:14

Amyan jira ang so asa ka mavakes apo do Tiyatila a meyngaran si Ditiya. O vazay na am macinginangina no masingat a akmey nikowpasan a vangkoro a milakayob. Makdeng o nakenakem na ji Ama ta do to. Mamizing na o ipangnanao ni Pawlo a ciring ni Yeso am mina todeywangi o onowned na, do kanisomidong na sya ni Ama ta do to.

Loma 11:25

Manga kakteh, inaoy no si katenngan nyo na o vazay na ni Ama ta do to a ji nipatwaw no kakwa. So ji nyo mapakarangi so nakem nyo. Ta beken a todamimin o Isedi a tao a ji mamlis, ta yana pananalahen ni Ama ta do to o karwan no beken a tao do Yotay a omanod jya.

Loma 16:25

Manoyong o kazwazway ta si Ama ta do to. Ta iya rana am yamanoyong a yaomoyat jinyo a meyhanhan nya akman so Mapasaray a Ciriciring na a ipeylimwang ko a yaomagaz ji Yeso Kizisto. Ori rana am ji da nikatenngan no kakwa a nanao na ni Ama ta do to.

1 Kedinto 13:2

Tana mateneng ko a mangononong so ciriciring na ni Ama ta do to a yanan no makakaday a teneng a makateneng do nanao na ni Ama ta do to a mowyat so nakenakem a to rana makapeylis so tokon a mangay do awa, kabo no pangangarilawan ko so icyatatao ko am ikongo peypeypangayan na no nang.

1 Kedinto 15:51

Amizngen nyo o mapeyzokab a nanao a jya nipatwaw pa no kakwa a nipanci na jyaken ni Ama ta do to. Beken a to ta mimin a mawakwak. Am mamimin ta mablis so kataotao.

1 Kedinto 2:14

O kabwan no Seyzi na ni Ama ta do to am ji na hap o itoro no Seyzi na ni Ama ta do to. Ta o akman rana sang a tao am ji da tenngi o akman sang a vazay. Ta ipanci da abo so angangayan. Ta o yanan no Seyzi na ni Ama ta do to o makateneng jya.

1 Kedinto 2:7

O yako ipeylimwang eya am ji da pa nipatwaw no tao no kakwa a teneteneng na ni Ama ta do to. Ta no kaji na pa mamaogan no karawan am amyan rana ori a nakenakem na ni Ama ta do to do kapacikaop ta jya no makwa.

1 Kedinto 4:1

Inyo rana am panadnaden nyo yamen a lamlamsoy na ni Kizisto a nipamnekan na ni Ama ta do to a meylimwang no ciriciring na an. Ori rana am ji da tenngi no tao no kakwa.

1 Kedinto 4:7

Inyo rana mapakazwazway am sino ney mowyat na jinyo a makaharag so tao. Manngwa, nyo jyatenngi o yamakakaday jinyo a yamamimin a yapo ji Ama ta do to? Ikongo nyo peyzezwayan no nitoro na jinyo. Am ori o pavevehan nyo pa so nakenakem nyo an.

Ivoso 1:18

Ko mapasyasi ji Ama ta do to a omiwang do onowned nyo a kapakateneng nyo na do peypeypangayan no na panopan jinyo a kapanta na ninyo so to meyyonong a ikavyay no pahad nyo do teyngato. So ikatey rako na no aryarilaw na so omanoyong jya tao.

Ivoso 1:9

So ta rana ipakateneng ji Kizisto akma ney kahanhanan a mapakavos so ji nitomwaw pa vazay na no kakwa.

Ivoso 5:32

Ori rana am yatey makdeng ori a ciring a yadomket do Seysyo a na pehngehngain ji Kizisto a kano amraralay nya tao.

Ivoso 6:19

Ipeynozi nyo yaken an, katoro na nya jyaken ni Ama ta do to so ciriciring na ipangnanao ko. Ta ori o ji ko a mamai no ji da pa nipatwaw no kakwa a Mapasaray a Ciriciring na ni Ama ta do to a ipeylimwang ko.

Kelosi 2:2

O ko ikakman sang am ko kakzeben o kasaray nyo so onowned a masicyakarilaw. So ikapinpin na no nang a ko tey kakza inyo a manoyong rana makateneng do nanao ni Ama ta do to a omagaz ji Kizisto.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

1 Timotay 3:9

Ney yapya na am ji meylimoteng o onowned da omanoyong do nanao ni Yeso Kizisto.

Yake 1:5

No amyan jinyo so makza no karapa do teneteneng na am makowyowyat pa mapasyasi ji Ama ta do to a kapanta na nya ni Ama ta do to so teneng na. Ta iya rana am tey mazonos a apiya so nakenakem a marilaw no mapasyasi jya tao.

1 Yowani 2:20

Am na rana nitoro jinyo o Seyzi ni Kizisto. Am ori o nyo ikamimin a yarana makateneng do nanao ni Ama ta do to.

1 Yowani 2:27

Am inyo am na rana nitoro jinyo ni Yeso Kizisto o Seyzi. No si myan jinyo o Seyzi am ji nyo na ngakdaya o nanao da no tao. Ta nanawen na inyo no Seyzi a ipakateneng nyo do makakaday a vazay. O inanao na jinyo no Seyzi am abo do dang malas. Onotan nyo o nanao no Seyzi. Ta ori o ikanoyong nyo a macikaop ji Kizisto.