Matay 12:7 - Seysyo No Tao

⁷ Ta o ciring do Seysyo am, ‘O ko kakzeben am apiya so nakenakem do icyatatao. Ko jyakzan o yapatanangen a makakaday.’ No si manoyong kamo a makateneng do peypeypangayan no ciring eya am jyabo nyo kato mancyan no yapya so nakenakem a tao a meyraraten a.

Matay 12:7 ပူးပေါင်းရင်းမြစ်များ

Matay 22:29

Maniring si Yeso jira am, “Yamalas nyo ahapan sya. Ta nyo jyatenngi o Seysyo. Nyo jyatenngi o oyowyat ni Ama ta do to.

Matay 9:13

O ciring do Seysyo am, ‘O kakdain ko am karilaw nyo no icyatatao nyo. So ikabeken a patanangen nyo a makakaday.’ Angay kamo na kanakenakem nyo pala so peypeypangayan no ciring ang. Ta o ko nyai am beken a ko manara so ji meyraraten a tao. Ta o yameyraraten a tao am ori o yako nyai.”

Make 12:33

So raralayan ta ni Ama ta do to no onowned ta kano nakenakem ta kano oyowyat ta, a kato peyyangayan so aryarilaw so kataotao a marilaw no icyatatao. So ikakdekdeng no nya kano nakem ta sya vinyay a kano makakaday a patanangen ji Ama ta do to.”

Nimlivolivon 13:27

Am o yameyvahay do Yelosaleng a tao a kano panipanirsirngen da am da jyatenngi si Yeso a nitovoy ni Ama ta do to a mapatazadang jyaten. Tana yamangday do ipeywalam no tao o na keyyan no da mamizing do peyneynozyan da am da jyatenngi o peypeypangayan no nivatvatkan no panoyonoywan na so ciring ni Ama ta do to a omagaz ji Yeso. So nipangononong no mina ciring da no panoyonoywan na so ciring ni Ama ta do to, do mina kapanci da ni Yeso a wakwaken.

Yake 5:6

Nyo pananakawen sira o yamakasi a tao. Nyo kawakwak pa siraha, do da kabo no oyowyat a yamapatonggal jinyo.