Matay 12:34 - Seysyo No Tao

³⁴ Inyo rana macitapas do tokza so onowned a tao am abo o apya ciring a powboten nyo.

Matay 12:34 ပူးပေါင်းရင်းမြစ်များ

Matay 12:35

O apya so nakenakem a tao am apya o icicirawat na. O marahet so nakenakem a tao am marahet o icicirawat na. Ta to macilocilolo do kapyan no onowned nyo a karahet no onowned nyo o powboten nyo a ciring.

Matay 15:18

Am o makowbot do ngoso am apo do onowned. Ori o mapeyraraten so tao.

Matay 23:33

Inyo rana yakmey katonodan no tokza am jyabo kapakaliklik nyo so pasingsingtan na jinyo ni Ama ta do to do kararatan a.

Matay 3:7

Macita ni Yowani o aro a tao a macyagom do Vadisay a kano macyagom do Satokay a mai a manci ni Yowani a tomaktak jira am pamizngen na sira. Maniring jira am, “Inyo a yakmey mavowaw, sino ipanci jinyo o yanyo katayo no oyaoya na ninyo ni Ama ta do to.

Locya 3:7

Meyratateng am ipanci ni Yowani do aro a nimai a tomaktak do kataotao da so, “Inyo a yakmey mavowaw, sino nipanci jinyo o yanyo katayo no oyaoya na jinyo ni Ama ta do to.

Locya 6:45

O apya so nakenakem a tao am apya o iwawalam na. O marahet so nakenakem a tao am marahet o iwawalam na. Ta to macilocilolo do onowned no tao o ipanci na ciring an.

Yowani 8:44

Inyo am anak kamo ni Satan. Ta nyo pangozayan o nakenakem no ama nyo a nimakalapo no kakwa o kapangap na so tao. Ji nakzan o manoyong a nanao, ta abo jya o manoyong a nanao. Cinatao na o kapangalalas na, ta iya rana am kapangalalas na a yapwan no makakaday a malas.

Ivoso 4:29

Taosya o marahet a ciring a makowbot jinyo. Ta o makasidong so tao a kano ikapya no tao a ciring o patwawen nyo. Ta ori o ipakasidong nyo so omamizing so ciring nyo a tao.

Yake 3:2

Abo jyaten eya o jya nimalas so vazay. Am o tao a ji mapatwaw so marahet a ciring am manoyong o akman sang a abo so karatan, do kapakapzat na do lila na kano kataotao na.

1 Yowani 3:10

O peytarkan no anak ni Ama ta do to a kano macibedbed pa ji Satan am o macibedbed pa ji Satan am ji dakzan o apya. Ji da arilawan o icyatatao da.