Matay 12:32 - Seysyo No Tao

³² O komolala jyaken a Nipamnekan na ni Ama ta do to a tao am mavonas o akman sang a raraten. Am omraherahet so Seyzi na ni Ama ta do to a tao am to rana meyyonong a jyavonas o akman sang a raraten.

Matay 12:32 ပူးပေါင်းရင်းမြစ်များ

Matay 11:19

Yaken rana a Nipamnekan na ni Ama ta do to a tao am ko koman a ko keyyop. Am no kamo maniring am, ‘Yamatetehnan a yameyyeyyopen a yamacizavoz do mapeyvazay so deyking a tao a kano meyraraten a tao.’ Am o teneteneng na ni Ama ta do to am manoyong a meytotwaw do makza nya tao.”

Matay 12:31

Am ori o ko pancyan nya jinyo an. O raraten no tao a kano kakolala da si Ama ta do to am mavonas ori. Am omraherahet so Seyzi na ni Ama ta do to a tao am jyavonas o akman sang a raraten na.

Matay 12:8

Ta o Nipamnekan na ni Ama ta do to a tao o yameymatmatngeh no araraw no ipeyweywalam no tao.”

Matay 13:22

O nizomsi do katamtamkan am katonodan no tao a omamizing so nanao ni Ama ta do to. Am masanga no vazay na do karawan a kalita jya no peymeymasaodan na. Am ori o ikabengbeng no ciring na ni Ama ta do to do onowned na.

Matay 13:39

O mapasakoy so tamek a kavosoyan ori am si Satan. O peypeypangayan no mangay mangap rana sya ori am kavosan no karawan. O mangap sya a tao ori am tinsi.

Matay 13:40

No komavos o karawan am o meyraraten a tao am akman sira so tamek ang a botboten a pasleben do lila no apoy.

Matay 13:55

Beken a anak na ori no meykeykawaz asyo? Beken a ina na si Madiya asyo? Beken a wari na si Yake a kani Yoseyvo a kani Simong a kani Yota asyo?

Matay 8:20

Maniring si Yeso jya am, “Amyan so vahay no votdak, amyan so vahay no lapik. Am yaken a Nipamnekan na ni Ama ta do to a tao am abwata o ko tangnan so oo ko an.”

Make 10:30

arwaro pa o makadpeh jya do karawan a vahay na kano kakakteh na kano inyapwan na kano minapodpod jya kano nihakawan na. Am amyan so alalaw na do karawan. Am cyaha, ta mahap na no makwa o to meyyonong a ikavyay no pahad na.

Make 3:28

“To ko na macitangayan jinyo am o makakaday a raraten a kano marahet a ciriciring no tao am todamimin pa ori a mavonas.

Make 3:29

Am o omraherahet so Seyzi na ni Ama ta do to am to rana meyyonong a akman sang a jyavonas. Ta o akman rana sang a raraten no tao am to rana meyyonong o akman sang.”

Locya 12:10

Omraherahet jyaken no ciring a Nipamnekan na ni Ama ta do to am mavonas pa ori. Am o omraherahet sya no ciring so Seyzi am to rana meyyonong a jyavonas o akman sang a raraten.

Locya 16:8

Mamizing na no lawpan na am isaray na o lamlamsoy ori, do katey mapatak na a mangamaog so vazay a ipeypapyan na so kataotao na.” Maniring pa si Yeso am, “Ko pa ciring jinyo am o ji manaralay a tao sicyakwaya am akman sang o ahahapan da so vazay da. So ikateneteneng da kano manaralay a tao.

Locya 18:30

arwaro pa o padpehen na jya sicyakwaya. No makwa kapeyvangon no tao am mahap na rana o to meyyonong a ikavyay no pahad na an.”

Locya 23:34

Maniring si Yeso am, “Mo Ama, vonasen mo o raraten da no yamapadket jyaken a tao an. Ta da jyatenngi o vazay da jyaken.” Meyratateng am masipangoyongoyot sira o itaysang no Loma amvonong so mina ayob na ni Yeso.

Locya 7:34

Yaken rana Nipamnekan na ni Ama ta do to a tao am ko koman a ko keyyop. Am no kamo maniring am, ‘Yamatetehnan a yameyyeyyopen a yamacizavoz do mapeyvazay so deyking a tao a kano meyraraten a tao.’

Yowani 7:12

Tatasa o meyyahhahes do aro a tao a mazyak ni Yeso. Amyan so manci nya apya. Amyan so manci nya yamanlita so tao.

Yowani 7:39

O ciring ni Yeso am pakacirngen na do omanoyong jya do kapakahap da so Seyzi. No kano nang am ji pa nimeygegcin o Seyzi do omanoyong jya tao, ta ji pa nimakaranes o azwazway na a nimirwa a mavyay a meycyakavat do teyngato si Yeso.

Yowani 7:52

Maniring sira am, “Yaka tao do Cyadidi saon. Cita pala do Seysyo. Jyabo o yasa ka panoyonoywan na so ciring ni Ama ta do to a nimapo do Cyadidi a.”

Nimlivolivon 3:19

Am ori o ipamlis nyo rana somazap si Ama ta do to. Ta ori o ivonas na so raraten nyo.

Ivoso 1:21

a kabtekan rana a Panirsirngen do sinokob no hanit. So ikabo rana no makahad so oyowyat na kano azwazway na do karawan a kado teyngato mangay do kaidan no karawan.

1 Timotay 1:13

Am tana niraherahet ko si Yeso no kakwa pa a kapakakasi ko sira pasnesneken so omanoyong jya am na ikarilaw yaken ni Ama ta do to, ta no kanang am ji ko nganoyngi pa si Yeso. So ji ko makatenngi do vazay ko.

1 Timotay 1:15

Yamanoyong o ciring eya an. Inaoy no si mamimin o tao a omahap so sya. Nimai si Yeso Kizisto do teyrahem a mahap so meyraraten a tao. Yaken rana am ney rako o raraten ko.

1 Timotay 4:8

Manoyong kapya na no mapazigton so kataotao am makdekdeng pa o kapeypahagnat ta so nakenakem ji Ama ta do to. Ta ori o makasidong jyaten sicyaikwaya kano makwa no myan ta na do teyngato.

1 Timotay 6:17

Pazimanen mo do aro so kangangay sicyaikwaya an, ta ji sira mapakazwazway. Ji da meyhanhanan o aro a apzapzatan da, ta ji da tenngi o kato na meyyonongan no nang a ikapya da. Ta si Ama ta do to o ipeyhanhan da yamanta nyaten so meycyamadadayan.

2 Timotay 4:10

Ta na nikarwan rana yaken ni Temase a mangay do Tesalonicya, do kapyapya na pa so masaod no karawan. Si Keleseke rana am nimangay do Cyalatay. Si Tito am nimangay do Taarmatiya.

Tito 2:12

O akman sang a pangangarilawan na ni Ama ta do to am ori o ipakateneng ta do kakaro ta do raten na ni Ama ta do to a vazay ta kano meykamadadayan a ikakza ta do karawan. So ipakateneng ta do kapzat ta do onowned ta a mapeypahagnat so nakenakem ta ji Ama ta do to.

Yake 1:27

O ipanci na ni Ama ta do to a manoyong a omraralay nya tao am ji manginanahet do nimasbang a kano vao a mavakes a makapzat do onowned na, ji macikza do tao do karawan a meyraraten.