Matay 12:12 - Seysyo No Tao

¹² Manngwa, makdekdeng pa o kagling a kano inawan no tao? Am ori o ikapya no mangiwakwak do ipeywalam no tao.”

Matay 12:12 ပူးပေါင်းရင်းမြစ်များ

Matay 10:31

Am ori o ji nyo anyaheyan. Ta yarakorako o nakenakem na jinyo ni Ama ta do to a kano meyyasasalap.

Matay 6:26

To nyo nita o meyyasasalap an. Sira ji hakaw. Sira ji manlangi. Yabo da panonokozan so kankan da. Am na avyavyain sira ni Ama ta do to. Jyabo nyo kajyakdekdengan pa kano lapik a.

Make 3:4

Makarahan am pacicin na sira o tomangay sya tao. Maniring am, “Ikongo o yata ahahapan sya do ipeywalam no tao. Manngwa, apyapya o kapanidong so tao an? No apyapya o kaji mamyayan so tao. Avyain sira an? No wakwaken sira.” Mamizing da no aro a tao am abo meyzezyak.

Locya 12:24

To nyo nita o meyyasasalap an. Ta sira ji hakaw, sira ji manlangi, yabo da panonokozan so kankan da. Ta na avyavyain sira ni Ama ta do to an. Jyabo nyo kajyakdekdengan pa kano meyyasasalap a.

Locya 14:1

Ipisa kapeywalam no tao am mangay macyakan si Yeso do asa ka tao a macyagom do Vadisay do vahay da. Am ori o nileylamdaman da sya no maoya nya tao.

Locya 6:9

Maniring jira si Yeso am, “Ko inyo pacicyan am ikongo iwawalam ta do ipeywalam no tao. Ikongo ciriciring da jyaten do ipeywalam no tao. Apyapya o kapanidong so tao do ipeywalam no tao an? No apyapya o kaji mamyayan so tao. Avyain sira? No wakwaken sira.”