Matay 11:26 - Seysyo No Tao

²⁶ mo Ama do to. Ta o akman rana sang am monganay do nakenakem mo.”

Matay 11:26 ပူးပေါင်းရင်းမြစ်များ

Locya 10:21

No kanang am nipasaray no Seyzi si Yeso. So nipancyan na no, “Mo Ama a Panirsirngen do teyngato a kado karawan, ko isaray jimo. Ta mo nibengbeng do mapakateneteneng a tao o aro a vazay mo, a mo kapatwaw sya do yamapehbo so nakem da tao, mo Ama do to. Ta o akman rana sang am monganay do nakenakem mo.”

Locya 22:42

Maniring am, “Mo Ama, no si apyahen mo am pakarwen mo o yamasagpaw a alalaw ko an. Am ji mo mangozai o nakenakem ko, ta kapangozay mo do nakenakem mo.”

Locya 23:34

Maniring si Yeso am, “Mo Ama, vonasen mo o raraten da no yamapadket jyaken a tao an. Ta da jyatenngi o vazay da jyaken.” Meyratateng am masipangoyongoyot sira o itaysang no Loma amvonong so mina ayob na ni Yeso.

Yowani 11:41

Karahan am peylisen da o rako a veysen. Maniring si Yeso a tomangara so hanit am, “Mo Ama, ko isaray jimo an. Ta yamo na nyamizing o ciring ko.

Yowani 12:27

“Yako meyngen so onowned sicyaikwaya. Ikongo pa o ciring ko. Manngwa, apya o kapanci ko ni Ama mapaliklik so yaomanam a alalaw ko? Am o peypeypangayan no ko nyai do karawan am ahapen ko o alalaw ko ang.

Yowani 12:28

Mo Ama, inaoy si macita da no tao oyowyat mo.” Mina to ngyan so ciring apo do teyngato no kano nang. Maniring am, “Ko na nipatwaw o oyowyat ko. So pirwan ko paha mapatwaw sya.”

Loma 9:18

Am ori an, ta o ikarilaw na am to na mangozai ni Ama ta do to o nakenakem na. O pasaliten na so onowned am todasalit so onowned.

Ivoso 1:11

O makakaday do karawan am abo ji mangozay do ahahapan na sya ni Ama ta do to. So na to mangozai do nakenakem na a mapanop jyamen a amraralay ni Yeso Kizisto a tao do Yotay a akma ney anak a macikaop ji Kizisto.

Ivoso 1:9

So ta rana ipakateneng ji Kizisto akma ney kahanhanan a mapakavos so ji nitomwaw pa vazay na no kakwa.

Ivoso 3:11

O na akmanan sang ni Ama ta do to am na pangozayan o to meyyonong a pamnemnekan na. Am na rana nipangononongan ni Yeso Kizisto a Panirsirngen ta.

2 Timotay 1:9

Iya o nimahap jyaten a mapanop jyaten a omanod jya. Am beken a omagaz do kapya no icicirawat ta, ta yaomagaz do nakenakem na kano pangangarilawan na ni Ama ta do to. Ta no kaji na pa nimangamaogan so karawan am nimanakem na rana o katovoy na si Yeso Kizisto a somidong jyaten.