Matay 11:23 - Seysyo No Tao

²³ Inyo rana tao do Cyapaynong am manngwa, nyo ipanci o kapakaranes nyo do teyngato? Jyabo kaji nyo akasan do kararatan a, do kanimakacita nyo so mapeyzokab a vazay ko a. Am no nipeyvazay ko do Sotoma am yabo kanimbalinas ko sira.

Matay 11:23 ပူးပေါင်းရင်းမြစ်များ

Matay 10:15

To ko na macitangayan jinyo am no marateng rana o araraw no kapeykapyapinpin na so tao ni Ama ta do to am makdekdeng pa o oyaoyyan na do ji naotao jinyo a kano nipasingsingkad na do tao do Sotoma kano Hamola no kakwa pa.

Matay 16:18

To ko na macitangayan jimo am imo rana am si Pite ka. So icyakma moy lalitan a patnekan ko so kyokay. So ji na rana makagogaji nya ni Satan. Ta akman rana sang am jyagogad no oyowyat ni Satan.

Matay 17:24

Makaranes si Yeso a kano macinanao jya do Cyapaynong am amyan so mangangap so deyking no rako a panaralayan a tao a mangay ji Pite. Maniring sira jya am, “Manngwa, tomoro so deyking do rako a panaralayan o Sinsi nyo an?”

Matay 4:13

Am ji rana meyvahay si Yeso do Nasale, ta nimangay rana a meyvahay do Cyapaynong. O ili rana ori am amyan ori do Sipolon a kado Navotadi a macisngen do rako a meybebneng a ranom a meyngaran so Cyadidi.

Matay 8:5

Makaranes do Cyapaynong si Yeso am mangay na rapongen no asa ka mimong no asa poo (100) a itaysang no Loma a kapasyasi na jya.

Locya 10:15

Inyo rana tao do Cyapaynong am manngwa, ipanci nyo o kapakaranes nyo do teyngato? Jyabo kaji nyo akasan do kararatan a.”

Locya 14:11

Ta o mapakarakarang a tao am mangay na pavevehen ni Ama ta do to. O ji makazyazyak a tao am peypakatkaten na sira ni Ama ta do to.”

Locya 16:23

Amyan do kararatan a makaliliw so kataotao na am to na cita do teyngato si Apolahan a kani Lasalo.

Locya 4:23

Maniring si Yeso jira am, “Ko katenngan inyo a yamapaing so ciring nyo do kamanrarakehan no kakwa a manci no, ‘No ka manoyong a koysang am avavaw pala o kataotao mo.’ Ta ko nimamizing do ciriciring nyo jyaken a yamanci no, ‘Peyvazay pala do jya o mina vazay mo do Cyapaynong.’

Nimlivolivon 2:27

Ta mo ji mya o pahad ko a to ngyan do yanan da no nimawakwak a tao. So ji na macirapai do tana no kataotao ko, ta nipeyvazay ko na o vazay mo.

Nimlivolivon 2:31

Katenngan na ni Tawey o kapeyvangon na ni Ama ta do to so sivovoong na a si Kizisto a nipamnekan na Panirsirngen. Maniring am, ‘Ji na mya ni Ama ta do to o pahad na to ngyan do yanan da no nimawakwak a tao. So ji na macirapai do tana no kataotao na.’

Yota 1:7

Naknakmen nyo o tao a yameyvahay do Sotoma kado Hamola kano yamacitangked do dang so ili a tao a yamapasala so aktokto da a yamapeyvazay so macimasesnek a vazay. So ikanoyong no jyahesep a lila no apoy a nimangay meydedna jira. O akman rana sang a vazay am ikananao da rana ori no meyraraten a tao.

Ipaziman 1:18

Yaken rana am to ko meyyonong a mavyay. Nimawakwak ko no kakwa. Am ko na mavyay sicyaikwaya a mangay do kaidan no karawan. Yaken rana am yatomalamozong no kawakwakan a kano yaomanam pa vazay ko do mawakwak a tao.

Ipaziman 11:8

O kataotao da am to rana nangyan do rarahan do rako a ili. Do dang rana am nipadketan da so Panirsirngen ta do jyojika. O pehngehngayan da so ngaran no ili am Sotoma kano Ayci.

Ipaziman 20:13

Makarahan am patwawen na no awa o nimawakwak a tao. Akman sang o kacyan a mapatwaw so nimawakwak a tao so pahad. Sira rana am to macilocilolo do mina raraten da no keyyan da pa do karawan o pacicyan na sira.

Ipaziman 6:8

Citahen ko am macita ko o baka akman rana so kakawan so keyteytawan. O maoran do baka am meyngaran ori so Kawakwakan a kapacitonton na no meyngaran so Heseb. So iyan no oyowyat da omwakwak so icyakapat no tao do karawan. Karwan da am mawakwak no arap. Karwan da am mawakwak no abcil. Karwan da am mawakwak no ingingnen a kano makakaday a kokoman so tao.