Matay 11:2 - Seysyo No Tao

² O nimanaktak a meyngaran si Yowani am amyan do pamemtengan. Mamizing na o vazay ni Kizisto am ori o nipanovoy na so macinanao jya mangay a macisirsiring ji Yeso. Maniring sira jya am,

Matay 11:2 ပူးပေါင်းရင်းမြစ်များ

Matay 1:17

No ko vilangan am no yapwen ji Apolahan a kangay na ji Tawey am apat o ikarwa na (14) no katatapilan da rana. No yapwen ji Tawey a kangay na do nirakpan da so Isedi a yangay do Papilon am akman sang a apat so ikarwa (14) so katatapilan sira. No vilangan o niyan da no Isedi a tao do Papilon a kangay na do cinatazak na no Misayya am akman sang, ta apat so ikarwa (14) o katatapilan da.

Matay 14:3

O cinawakwak na ni Yowani am o panirsirngen a meyngaran so Helote am to ney mehsa o mavakes no kakteh na a meyngaran so Veydipo. O ngaran no mavakes am si Helotiya. Masangib si Yowani a mazyak nya, do kato ney nakawan so kataned na do vahay no kakteh na. Am ori o nipanovoy na ni Helote so tao no kanang a omrakep si Yowani a kangay da nya do pamemtengan.

Matay 4:12

Mamizing na ni Yeso si Yowani a nipteng da do pamemtengan am meysinaoli do Cyadidi.

Matay 9:14

Ipisa am mangay sira o macinanao ji Yowani do tangain ni Yeso. Maniring sira am, “Yamen rana kano tao a macyagom do Vadisay am namen masangib a yaji mangakaday a meynozi. Am o yamacinanao jimo am yabo yakman sang a vazay da.”

Make 6:17

O cinawakwak na ni Yowani am o panirsirngen a meyngaran so Helote am to ney mehsa o mavakes no kakteh na a meyngaran so Veydipo. O ngaran no mavakes am si Helotiya. Masangib si Yowani a mazyak nya do kato ney papenan so kahanghang na no kakteh na. Am ori o nipanovoy ni Helote so tao no kanang a omrakep si Yowani a kangay da nya do pamemtengan.

Locya 3:19

No kanang rana am nioya na o panirsirngen a meyngaran si Helote. Ta nitakaw na o kahanghangan ni wari na a meyngaran si Helotiya kapeyvazay na pa so aro a marahet a vazay.

Locya 9:7

Mamizing no panirsirngen no Cyadidi a meyngaran si Helote o aro a vazay ni Yeso am marahet o onowned na. Ta ji na tenngi o kapwan na no vazay na ni Yeso. Ta patolinen da si Yeso ji Yowani a nimirwa a mavyay.

Yowani 4:1

Mamizing da no tao a macyagom do Vadisay si Yeso a manara so macilocilolo jya a kapakamizing da sya arwaro pa so nitaktakan a kani Yowani.