Matay 11:19 - Seysyo No Tao

¹⁹ Yaken rana a Nipamnekan na ni Ama ta do to a tao am ko koman a ko keyyop. Am no kamo maniring am, ‘Yamatetehnan a yameyyeyyopen a yamacizavoz do mapeyvazay so deyking a tao a kano meyraraten a tao.’ Am o teneteneng na ni Ama ta do to am manoyong a meytotwaw do makza nya tao.”

Matay 11:19 ပူးပေါင်းရင်းမြစ်များ

Matay 5:46

No si marilaw ninyo a tao o ikarilaw nyo am ta azawan na jinyo ni Ama ta do to. Kakwakwan da no meyraraten a tao a makateneng do kapangarilaw da so marilaw nira.

Locya 14:1

Ipisa kapeywalam no tao am mangay macyakan si Yeso do asa ka tao a macyagom do Vadisay do vahay da. Am ori o nileylamdaman da sya no maoya nya tao.

Locya 19:7

Macita da no aro a tao am marahet sira so aktokto a manci no, “Na todangai no nya do vahay no meyraraten a tao.”

Locya 7:29

Omamizing so nanao ni Yeso aro a tao a kano mapeyvazay so deyking a tao am isaray da ji Ama ta do to. Sira rana ori am nitaktakan na sira ni Yowani no kakwa pa.

Yowani 2:2

Si Yeso rana kano macinanao jya am nipanoyon da sira no matarek so vahay a tao. Am ori o nyangay da.

Loma 15:2

Manakem ta o kapasaray ta so akma tey kakteh do cinai. Ta ori o ikarapa do onowned da amraralay ni Ama ta do to.

Ipaziman 7:12

Maniring sira am, “Amin. Inaoy no si omaing jimo mo Ama do to o sarasaray a kano azwazway a kano teneteneng a kano keynakman a kano oyowyat a mangay do kaidan no karawan! Amin!”