Matay 11:14 - Seysyo No Tao

¹⁴ No si anoyngan nyo o ciring da a nimalavat da am manoyong o kakma ney Idiya ni Yowani a mai.

Matay 11:14 ပူးပေါင်းရင်းမြစ်များ

Matay 11:13

O nivatvatkan da no panoyonoywan na so ciring ni Ama ta do to a kani Moyse am nimamimin sira makalavat so italamozong na ni Ama ta do to. Am si Yowani o niseykedan na rana.

Locya 1:17

Ta iya rana am manmanma a mai a kano Panirsirngen nyo. Ta oyatan na no Seyzi akman si Idiya. So peypeypapyan na so nakenakem no nimeyrahet so nakem a malama. Ipeysinaoli da mamlis so nakem no meyraraten a tao. So icyakma dey mina tazak a tao so onowned. So ikanoyong na somidong so tao a omnanala sya.”

Yowani 16:12

“Yaro pa o yako ipanci jinyo am ko ihawa kaji nyo makatenngan jya sicyaikwaya.

1 Kedinto 3:2

Ori o ko peyyopan pa jinyo no meyzoko, ta marahet pa o kapakan ko jinyo no cinvevekeh. Ta ji nyo anget. So nyo ikakman sang sicyaikwaya a yaji ngahap so yamakdeng a yako inanao jinyo.

Ipaziman 20:4

Macita ko o aro a lilisnan no panirsirngen a lisnan no tao. Sira rana am mamimin sira nipanta na so oyowyat da a mapacici a mapeykapyapinpin so tao. So nipakacittan ko so pahad da no niwakwak da a meylimwang no nanao ni Yeso a kano ciriciring na ni Ama ta do to a tao. Sira rana am ji da niraralay o omalalam a kano kamamagenan na. Jidket do zozogwan da kado lima da o ngaran no omalalam. Sira rana am nimamimin sira nimirwa a mavyay a kapacizanod da ji Yeso a meypanirsirngen do asa zivo (1000) a awawan.