Matay 10:16 - Seysyo No Tao

¹⁶ “Amizngen nyo an, ta akma kamoy kagling a ko tovoin do kokoman so tao. Am ori o ipeytataziman nyo a makapiya so nakenakem jira.

Matay 10:16 ပူးပေါင်းရင်းမြစ်များ

Matay 24:25

No makwa am manakem nyo o ko rana nipaziman jinyo a ciring eya.

Matay 24:45

“Sino ipeyhanhan a tey mapatak a lamlamsoy. Iya rana am ipeyhanhan no lawpan a omaponged no vahay na do kapeyyangangay na so isovo da kanen no karwan no lamlamsoy na.

Matay 25:2

O lalima jira am ji sira patapatak. O lalima am tey mapatak sira.

Matay 25:4

O mapatapatak a tao am nimapalolo sira so peyzazampwan da a kapalolo da pa so atkaw da abyab.

Matay 25:9

Maniring sira o mapatapatak a mavakes am, ‘Yamasalit, ta yarana ji makanet jyamen. Am ori o namen ji makaktoi sya jinyo. To kamo rana angay do pananazangan a manazang.’

Locya 10:3

Angay kamo na do tovoyan ko jinyo. So icyakman nyo so anak no kagling a mangay a patovongen do aro a vozaw a kokoman so kagling a ino.

Locya 21:15

Ta ipanta ko inyo so teneng nyo, kaji da makatenngan do ciring nyo a tovisan no maoya ninyo a tao.

Nimlivolivon 20:29

Ta ko katenngan si karwan ko rana inyo am amyan so mangalalas a tao a mai a omnanao jinyo a mapeycyakawad jinyo a amraralay ni Yeso a tao.

1 Kedinto 14:20

So ipeypakatkat nyo, manga kakteh so pangtoktwan an. Akman kamo so mina tazak a tao a ji nakenakem so raraten.

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

2 Kedinto 11:14

Am jyabo kazyak no akman sang a. Ta kakwakwan ni Satan a mapatpetpeh akmey maniray a tinsi ni Ama ta do to.

2 Kedinto 11:3

Am yako ikanyahey o kapeyparahet no onowned nyo a todahamang rana ji Yeso Kizisto, akman si Iwa a nilittan no volay.

2 Kedinto 8:20

Namen apzatan o onowned namen a yatomalamozong no aro a nizpi. Ta maraherahet o kazyak da nyamen no aro a tao.

Veydipi 2:15

So nyo ji meylimotengi so onowned a abo so karatan a akma ney anak ni Ama ta do to a yamacikaop do meyraraten a tao do karawan. Ta inyo rana am akma kamoy zezak da, akman so mata no hanit a amzezak so kasarisaryan,

Kelosi 1:9

Mamizing namen inyo am masangib namen a meynozi ninyo. Ipeynozi namen o kapanta na ninyo no Seyzi so makakaday a teneteneng a makateneng do nisidongan na jinyo ni Ama ta do to a kano peypalanginan na ninyo.

Kelosi 4:5

Apzatan nyo o iwawalam nyo a kano ciriciring nyo, ta peycitacittan da inyo no ji manaralay so Tao do to. Makateteneng kamo a meylimwang no nanao ni Ama ta do to jira.

1 Tesalonicya 2:10

No kapacikaop namen pa jinyo do dang am o ciriciring namen a kano icicirawat namen am apiya macita nyo. Abo o malas a vazay namen. Cyaha, ta inyo a kani Ama ta do to am yongkad no vazay namen ang.

1 Tesalonicya 5:22

Peymakarwan nyo o peyraratenan nyo do teyrahem.