Matay 10:14 - Seysyo No Tao

¹⁴ O ji naotao jinyo a kano ji ngamizing so ciring nyo a kavahay na kano keyliyli na am to nyo na ngaroi sira a katoktok nyo so tana do ai nyo.

Matay 10:14 ပူးပေါင်းရင်းမြစ်များ

Matay 10:13

No isaray da inyo no asa ka vahay am ipeynozi nyo sira a kangay na jira no aryarilaw na ni Ama ta do to. No ji da raralayan inyo am cyaha, ta ji na sira arilawan ni Ama ta do to.

Matay 18:5

O mapanadnad jyaken a tomaotao so likta kanakan eya am kataotao ko na ori a taotawwen na.

Make 6:11

No mangay kamo do vahay da a kaji da raralayan ninyo a taotawwen a ji da ngamiznga so ciring am to nyo na ngaroi sira katoktok nyo so domket do ai nyo a tana, ta tovilan nyo jira meyraraten a tao a ji mamlis so nakenakem.”

Make 9:37

“O tomaotao so kanakan eya no ngaran ko am yaken o taotawwen da. O tomaotao jyaken am beken a yakehen o taotawwen da, ta taotawwen da pa o yanimapahanhan jyaken a Tao do to.”

Locya 9:48

Maniring jira am, “O mahap so vazay ko a tomaotao so kanakan eya am yaken an o taotawwen da an. O tomaotao jyaken am akma dey taotawwen o nitomovoy jyaken an. Sino paro jinyo o to mapownot so nakenakem na mangarilaw so icyatatao na. Ta ori o pakarakehen a tao.”

Locya 9:5

No ji da naotawwa inyo am karwan nyo o ili da katoktok nyo so tana do ai nyo. Ta itovil nyo jira meyraraten a tao a ji mamlis so nakenakem.”

Yowani 13:20

To ko na macitangayan jinyo am o tomaotao so nitovoy ko am yaken o taotawwen da. O tomaotao jyaken am si Ama ta do to o taotawwen da, ta iya o yanitomovoy jyaken.”

Nimlivolivon 13:51

Am ori o nitoktokan da so tana do ai da da Pawlo a kani Parnapo a itovil da jira meyraraten a ji mamlis so nakenakem. Meyratateng am karwan da rana sira a mangay do Ikenyan.

Nimlivolivon 18:6

Am ji da ngamiznga, ta o karaherahet da sya. Am ori o nitoktokan na ni Pawlo do talili na so ibeybek. Maniring pa jira am, “Si amyan so oyaoyyan na ninyo ni Ama ta do to no makwa am beken a yaken o raraten an, ta monganay jinyo an. To ko na papwa sicyaraw eya o kangay ko na a mangnanao so beken a tao do Yotay.”

1 Tesalonicya 4:8

O ji ngahap so akman sang a nanao am beken a tao o na pasobnan, ta o Seyzi a nitoro na jyaten ni Ama ta do to am ori o pasobnan na.