Matay 10:1 - Seysyo No Tao

¹ Lovoten na ni Yeso o rarwa so ikakarwan (12) a macinanao jya a kapanta na nira so oyowyat da ipamozwaw da so kalamsoyan ni Satan a kapangiwakwak da so meykeyngeyngen a tao.

Matay 10:1 ပူးပေါင်းရင်းမြစ်များ

Matay 19:28

Maniring si Yeso jira am, “To ko na macitangayan jinyo am no makwa am no amlisna o Nipamnekan na ni Ama ta do to a tao do lilisnan na do teyngato am inyo rana yanimacilolo jyaken am amlisna kamo do adwa so icyarwa lilisnan no panirsirngen a tomalamozong no sivosivovoong da no rarwa so ikakarwan a ananak ni Yakebo.

Matay 26:20

Maseyrem am macihanghang si Yeso do rarwa so ikakarwan a macinanao jya.

Matay 26:47

Ji pa vitos o ciring na ni Yeso am mai rana si Yota a ikararwa da so ikakarwan no macinanao jya a kapacilolo da no aro a tao a meyhavit so takzes a kano sisipzot da kayo. Sira ori am nitovoy da no panipanirsirngen da no mapatanatanang so nakem da si Ama ta do to a kano kamanrarakehan da no tao do Yotay.

Matay 4:23

Nilivolivon ni Yeso o peycyeylilyan na do Cyadidi a kapangnanao na so tao do peyneynozyan da do dang a meylimwang no italamozong na ni Ama ta do to a kapangiwakwak na so meykeyngeyngen a tao do dang.

Matay 6:13

Ji mo yamen amya kalittan. Apzatan mo yamen mo Ama do to, do kararatan do teyrahem. [Ta imo rana am ka tey mowyat a tey mazway a Tao do to a yatomalamozong nyamen a mangay do kaidan no karawan. Amin.]’

Matay 9:35

Nilivolivon ni Yeso o peyneynozyan do peycyeylilyan na a kapangnanao na a meylimwang no Mapasaray a Ciriciring do katalamozong na rana nyaten ni Ama ta do to, a keywakwak na do meykeyngeyngen a tao.

Matay 9:38

Am ori o ipeynozi nyo ji Ama ta do to a kapanovoy na so tao a meylimwang no ciriciring na.”

Locya 10:19

Amizngen nyo an, ta ko na nitoro jinyo oyowyat ko an. So ikanoyong nyo makazazat do oyowyat ni Satan. So ikabo no matarek a oyowyat a makataha jinyo. Tana to kanyo meyzasag so mavowaw am ji da peyzaza inyo.

Locya 21:15

Ta ipanta ko inyo so teneng nyo, kaji da makatenngan do ciring nyo a tovisan no maoya ninyo a tao.

Locya 24:49

Tovoin ko jinyo o Seyzi a nipanci na a itoro na jinyo ni Ama. Am to kamo ngyan do ili eya amnanala sya mangay no si parawaten na jinyo o oyowyat apo do teyngato.”

Locya 6:13

Apnezak am lovoten na sira o macinanao jya kapamnek na jira so rarwa so ikakarwan (12) a omlivolivon no ciriciring na.

Yowani 17:2

Nitoro mo na o oyowyat jya a tomalamozong no tao do karawan. O icyakman na sang am itoro na o to meyyonong a ikavyay no pahad da no tao a nipamnekan mo a omanoyong jya.

Yowani 3:27

Maniring si Yowani am, “No abo si Ama ta do to a omoyat do tao am abo do tao o makapakavos so vazay.

Yowani 3:35

O Ama na am marilaw no Anak na. So na nitorwan no makakaday jya a italamozong na.

Yowani 6:70

Maniring si Yeso am, “Ko inyo nipamnekan a yararwa so ikakarwan am yamyan jinyo so yasa ka tao a yana italamozong ni Satan.”

Nimlivolivon 1:8

Am meyhekas jinyo o Seyzi. So iyan no rako a oyowyat nyo a meylimwang nyaken do Yelosaleng a kado peycyeylilyan na do Yotay a kado Samadiya a mangay do peycyamahamahatawan na.”

Nimlivolivon 19:15

Tovisan na no kalamsoyan ni Satan sira am, “Namen kasingkadan si Yeso. Namen katenngan si Pawlo am sino kamo ang.”

Ipaziman 12:1

Kapeytotwaw no mapangyangyalak a vazay do hanit. O peypeypangayan no nang am amyan so makdeng a vazay do kadadayan na so araraw. So niyan no asa ka mavakes a meyyayob so araw a kazasag na do vehan a meysakop so adwa so ikarwa (12) a mata no hanit.