Matay 1:22 - Seysyo No Tao

²² O aro a vazay eya am todey mangononong do mina ciring no panoyonoywan na so ciring ni Ama ta do to. Ta o mina ciring na am,

Matay 1:22 ပူးပေါင်းရင်းမြစ်များ

Matay 12:17

So ikanoyong na mangononong no mina ciring no panoyonoywan na so ciring ni Ama ta do to a meyngaran si Isayya. Ta maniring am,

Matay 13:21

Am ikongo do ji makayamot do onowned na, am no masazi na o alalaw na kano peyrarehtan da sya do kahap na so nanao ni Ama ta do to am makeykai a mablis o onowned na.

Matay 13:35

O ikakman na sang am todey mangononong o mina ciring no panoyonoywan na so ciring ni Ama ta do to. Ta maniring am, “Mangamaog ko so pehngehngayan ko so ciring ko a pancyan ko no ji pa nipatwaw a vazay ko, nimakalapo no kapangamaog ko so karawan.”

Matay 2:15

mangay do nikawakwak ni Helote. O icyakman na sang no vazay am pangononongan na o mina ciring no panoyonoywan na so ciring ni Ama ta do to. Ta maniring am, “Nipeysinaoli ko o anak ko a apo do Ayci.”

Matay 2:23

O meyngaran so Nasale a ili am ori rana o nikaplinan da meyvahay. O icyakman na sang no vazay am todey mangononong o mina ciring no panoyonoywan na so ciring ni Ama ta do to. Ta maniring sira am, “Iya rana am ngaranan da tao do Nasale.”

Matay 5:17

“Ji nyo mancyan yaken a yambalinas so iwawalam ni Moyse a kano nanao da no panoyonoywan na so ciring ni Ama ta do to. Ta yaken rana am yako patwawen o peypeypangayan na.

Matay 8:17

O vazay na am mina todey mangononong do mina ciring no panoyonoywan na so ciring ni Ama ta do to a meyngaran so Isayya. Ta maniring am, “Na nivonas o ingingnen ta a kano alalaw ta.”

Locya 21:22

Ta ori rana o araraw na no oyaoya na nira ni Ama ta do to, do kapangononong na rana no nivatvatkan a mina ciriciring na.

Locya 24:44

Meyratateng am maniring jira si Yeso am, “O aro a vazay rana ya am nimalavat ko na jinyo no kakwa pa. O nivatvatkan ni Moyse a kano panoyonoywan na so ciring ni Ama ta do to a kano nivatvatkan a Anwanood a yaomagaz jyaken am yarana nimangononong.”

Yowani 10:35

Tamo katenngan o kato na meyyonongan a jyablis no Ciriciring na ni Ama ta do to do Seysyo. Ipanci ni Ama ta do to o kakma dey tao do to no mahap so ciriciring na no kakwa pa.

Yowani 15:25

Am da na nimacita o vazay ko. So ikanoyong no yadomket do Seysyo a ciring. Maniring am, ‘Yabo na agagazan no da kato macioyyan jyaken.’

Yowani 17:12

No kapacikaop ko pa jira am nipzatan ko sira no oyowyat mo a nitoro mo jyaken. So ikabo no asa ka tao jira nimavozaw, do kapzat ko jira. Am o manazang nyaken a tao am nidomket rana do Seysyo o kapeyparaherahet na.

Yowani 18:9

O peycirngan na so sang ni Yeso am pangononongan na o ciring na do kapanci na no, “Mo Ama do to, ji ko liklika sira o nitoro mo jyaken a tao.”

Nimlivolivon 3:18

No kakwa pa am nipanci na rana ni Ama ta do to do aro a panoyonoywan na so ciring o kapaziman da si Yeso a pakakasi nyo. Am yana nipangononongan sicyaikwaya o akman sang.

Loma 1:2

O Mapasaray a Ciriciring na ni Ama ta do to am nipatwaw da no panoyonoywan na so ciring na do nivatvatkan da Seysyo no kakwa pa a omagaz do Anak na si Yeso Kizisto a Panirsirngen ta. No hapen do itetngehan ta do tao am iya o sivovoong na ni Tawey.

Ipaziman 17:17

Ta nipakemkem na ni Ama ta do to o nakenakem na do onowned da no asa ngarnan a panipanirsirngen. So icyakma dey asa so ahahapan sya, a kapanta da rana no omalalam so oyowyat a meypanirsirngen mangay si mangononong rana o ciring na ni Ama ta do to.