Matay 1:18 - Seysyo No Tao

¹⁸ Kasasaodan ni Yeso Kizisto no katazak na. Si Madiya a ina na a nitamtamkan ni Yoseyvo am ji pa nizomagpit do vahay da am katenngan na rana ni Madiya o kapangalavat na so metdeh, do kowyat na jya no Seyzi na ni Ama ta do to.

Matay 1:18 ပူးပေါင်းရင်းမြစ်များ

Matay 1:1

O yamalavat rana ngarangaran do jya am ineynapo na ni Yeso Kizisto a sivovoong na ni Tawey. Si Tawey am sivovoong na ni Apolahan.

Matay 12:46

Mangononong pa si Yeso do aro a tao am mai si ina na kada wari na mahakay a komakzeb so kapacisirsiring da jya.

Matay 2:11

Somdep sira do vahay am macita da o kanakan a kano ina na si Madiya. Am ori o nilogod da amraralay no kanakan ang. Makarahan am babahen da rana o nipalolo da ovay a kano mahangno a haneng a kano makdeng a kosozi a yazaw da sya.

Locya 1:25

Maniring am, “Manoyong an si Ama ta do to a yanimvonas so da tamwadan jyaken no icyatatao ko an, do kabo no minapodpod jyaken.”

Locya 2:5

So ipacihza ni Madiya ji Yoseyvo a mangay a mapadket so ngaran da, ta nitoro na rana o tamtamek da jira. Am no kano nang am mamlis so kanen rana si Madiya.

Sipolay 10:5

Am ori an, pancyan na nya ni Kizisto ji Ama ta do to no kai na do teyrahem, “Mo jyakzan o yapatanangen a kagling a kano makakaday a nakem a patanangen jimo. Ta yamo rana nipanta yaken so kataotao a mahap so vazay mo.

Sipolay 7:26

So yana ikanoyong ni Yeso a ney manokdwan na a ta ipeyhanhan a mapatanatanang nyaten so nakem ta ji Ama ta do to. Ta yabo na karatan a yabo so raraten. Iya rana am na nipapinpin ni Ama ta do to do yameyraraten a tao. So ikanoyong na rana ney mazway na do teyrahem a kado teyngato.