Make 9:44 - Seysyo No Tao

⁴⁴ [Do kararatan rana am amyan dang so aowed a jyawakwak a kano jyahesep a lila no apoy.]

Make 9:44 ပူးပေါင်းရင်းမြစ်များ

Matay 25:41

“Karahan am maniring o Panirsirngen do tao a amyan do ozi na am, ‘Kazey kamo a yana panircirngan ni Ama ta do to. Ji kamo macisngen jyaken. Angay kamo a pacilovot do na sokzan si Satan a kano kararay na a yamyan do to meyyonong a yajyahesep a makotokotod a lila no apoy.

Matay 25:46

O akman rana sang a tao am todangay no makwa o pasingsingtan jira. Am sira rana o ji meylimoteng so onowned a tao am mahap da o to meyyonong a ikavyay no pahad da.”

Matay 3:12

Yamyan do lima na so ipaninigi. So cigyan na so kadai a kapangay na so pipya kadai do peyvokavokan, kasleb na so ata na do jyahesep a lila no apoy.”

Make 9:43

No si lima mo o nipeyraraten mo am to ranangteba. Tana abo rana o asa ka lima a kapakasalap ji Ama ta do to am apyapya pa ori a kano meynanod so lima mangay do kararatan a matemtem no jyahesep a lila no apoy.

Make 9:45

No si ai mo o nipeyraraten mo am to ranangteba. Tana abo o asa ka ai mo a kapakahap mo so to meyyonong a ikavyay no pahad mo am apyapya pa ori a kano meynanod so ai a mangay do kararatan.

Make 9:48

Do kararatan rana am amyan dang so aowed a jyawakwak a kano jyahesep a lila no apoy.

2 Tesalonicya 1:9

Am ori o pasyayan na sira do oyowyat na kano azwazway na. So ikanoyong da peydednan na no peyoyaoyyan na ni Ama ta do to a mangay do kaidan no karawan.

Ipaziman 14:10

ayopen da o masozi a saki ni Ama ta do to. O saki rana am sozisozyan na ni Ama ta do to. So ikabo no kasyasyan na nira. O paglowan na so ayoyopen no peyoyaoyyan na am pasingsingkadan na sira do tangain no aro a tinsi a kano Kagling a matemtem no lila no apoy.

Ipaziman 20:10

Si Satan rana a nimapeykawad sira am iwalit na do akman so awa so karakorako a lila no apoy. Am nimanmanma rana o makahaw a tao a kano omalalam do dang. Sira rana am abo maraw a abo mahep a ipeyrarahet da a mangay do kaidan no karawan.

Ipaziman 20:15

O abo so ngaran do vakong a adketan no ngarangaran da no yanan na rana no to meyyonong a ikavyay no pahad da am iwalit na sira do akman so awa so karakorako a lila no apoy.

Ipaziman 21:8

Am sira rana manyahey a tao a kano ji nganoyong jyaken a tao a kano somagpyan a kano manwakwak a kano mangzakza so icyatatao da kano manlita no oyowyat ni Satan a kano manaralay so malas a iraralay a kano mangalalas a tao am amyan so akmey awa so karakorako a lila no apoy a omapanala sira. Ori rana am ipirwa kawakwak ori.”