Make 9:43 - Seysyo No Tao

⁴³ No si lima mo o nipeyraraten mo am to ranangteba. Tana abo rana o asa ka lima a kapakasalap ji Ama ta do to am apyapya pa ori a kano meynanod so lima mangay do kararatan a matemtem no jyahesep a lila no apoy.

Make 9:43 ပူးပေါင်းရင်းမြစ်များ

Matay 17:27

Am taosya o kakma tey mapasobsobna. So to mo rana angai a mamasil. Si citahen mo o ngoso no ney manma na among mo am makacita ka so asa ka nizpi. Makanet rana ori a itoro ta deyking do rako a panaralayan.”

Matay 25:41

“Karahan am maniring o Panirsirngen do tao a amyan do ozi na am, ‘Kazey kamo a yana panircirngan ni Ama ta do to. Ji kamo macisngen jyaken. Angay kamo a pacilovot do na sokzan si Satan a kano kararay na a yamyan do to meyyonong a yajyahesep a makotokotod a lila no apoy.

Matay 3:12

Yamyan do lima na so ipaninigi. So cigyan na so kadai a kapangay na so pipya kadai do peyvokavokan, kasleb na so ata na do jyahesep a lila no apoy.”

Matay 5:22

Am ko ipanci jinyo am o macioya do akma ney kakteh do cinai am raraten na rana ori. Omavay so akma ney kakteh do cinai a abo so angangayan a tao am to rana angayan o akman sang a tao do pacicicyan. O mapasagsagpyan so akma ney kakteh do cinai am mangay do makotokotod a lila no apoy.

Make 9:44

[Do kararatan rana am amyan dang so aowed a jyawakwak a kano jyahesep a lila no apoy.]

Locya 14:13

No manaid ka am taidan mo sira o ji makahakaw a tao a kano makasapa tao a mavota a mapilay a tao.

Locya 14:21

Meysinaoli o lamlamsoy na am ipanci na o ciring da do lawpan na. Mamizing na am to na meyoyaoya. Maniring do lamlamsoy na am, ‘To ka nangay do ili a manara so ji makahakaw a tao a kano makasapa kano mavota kano meycyapilapilay.’

Locya 3:17

Yamyan do lima na so ipaninigi. So cigyan na so kadai a kapangay na so pipya kadai do peyvokavokan na a kapasleb na so ata na do jyahesep a lila no apoy.”

Loma 8:13

Ta no si to nyo mangozai o adan a onowned nyo am jyabo kaji nyo angayan do kararatan a. Am no si onotan nyo o Seyzi a komaro do raraten nyo am jyabo kaji nyo avyayan do teyngato a.

1 Kedinto 9:27

So ko apzatan do onowned ko. So ji ko to mangozai do apyahen ko. Ta ori o ji na wakwaki no azaw ko ji Ama ta do to. Ta maraherahet o kavozcin jyaken a kapakahap da sya no pamizngen ko a tao.

Cyalatay 5:24

O yaomanod ji Yeso Kizisto a tao am akma dey nipazanod o marahet a nakenakem da do jyojika ni Yeso Kizisto, do kanimawakwak na no raraten ta.

Kelosi 3:5

Am ori o to nyo peykaboboi so marahet a ikeykakza nyo, akman so mapasagpyan so aktokto a kano makakaday a marahet a aktokto a kano mangagom. Ta o mangagom rana ya am akmey to na raralayan o kakzeben na no nakem.

Tito 2:12

O akman sang a pangangarilawan na ni Ama ta do to am ori o ipakateneng ta do kakaro ta do raten na ni Ama ta do to a vazay ta kano meykamadadayan a ikakza ta do karawan. So ipakateneng ta do kapzat ta do onowned ta a mapeypahagnat so nakenakem ta ji Ama ta do to.

Sipolay 12:1

So yada ikatey yaro no tao a ta rana nimacita so kakdekdeng a meyhanhan ni Ama ta do to no kakwa. Am ori an o akasan ta na so makakaday a ikasengseng jyaten a kano raraten ta yakmey omvaod jyaten a kowyat ta so onowned a akman so malayo a ji macimaza do palaywan na angayan.

1 Pite 2:1

Am ori o karwan nyo do makakaday a marahet a vazay. Taosya o kapangononong so malas. Taosya o kapakatanteneteneng nyo. Taosya o kapanginanahet nyo. Taosya o kapanraherahet nyo so tao.