Make 9:23 - Seysyo No Tao

²³ Maniring si Yeso am, “No si manoyong kapeyhanhan mo ni Ama ta do to am abo sapan a vazay.”

Make 9:23 ပူးပေါင်းရင်းမြစ်များ

Matay 14:29

Maniring si Yeso am, “Sijya.” Makarahan am gomcin si Pite do vazangay a kalam na do ranom a meypangay ji Yeso.

Matay 17:20

Maniring si Yeso am, “O nyo ikakman sang am yaji makanet pa o nakenakem nyo si Ama ta do to. To ko na macitangayan jinyo am tana akman kamo so alikey a vettow no nappa so kakdekdeng no nakem am tana to nyo nirsirnga o tokon a meylis do yanan na kangay na do kwang am meylis ori an. So ikabo no ji nyo a peyvazay a vazay.

Make 11:23

apya kapanci nyo no tokon a meylis a mangay do awa. No manoyong kamo a ji meykarwa so nakem ji Ama ta do to a omanoyong do ciring na am manoyong keyyan no akman sang a vazay nyo.

Make 9:22

Masangib ya civtan so inawan no kalamsoyan ni Satan a payongben do apoy, hemesen do ranom. No si myan so vazay mo am ikarilaw mo pa yamen an. Sidongen mo pa yamen an.”

Make 9:24

Meyratateng am amlololos o ama na. Maniring am, “Ko anoyngan am yapa ji makanet o onowned ko. So sidongan mo pa jyaken.”

Locya 17:6

Maniring si Yeso am, “Tana akman kamo so alikey a vettow no nappa so kakdekdeng no nakem am tana to mo nirsirnga o kayo a manci no, ‘To ka botbot a kangay mo amlida do awa,’ am jyabo kaji na ngonotan jinyo a.

Yowani 11:40

Maniring si Yeso jya am, “Nipanci ko na jimo asyo o, ‘No si anoyngan mo am macita mo o mapeyzokab a oyowyat ni Ama ta do to,’ kwan ko imo asyoo.”

Nimlivolivon 14:9

Amizngen na o ipangnanao na ni Pawlo am to na ningkaji ni Pawlo. Milamdam na ni Pawlo a meyhanhan ni Ama ta do to am iwakwakan na.

Sipolay 11:6

No abo panganoyngan no tao am ji na narayan ni Ama ta do to. O mai do tangain ni Ama ta do to a tao am anoyngan da o keyyan ni Ama ta do to a macikaop jira a marilaw no komakzeb sya tao.