Make 8:34 - Seysyo No Tao

³⁴ Makarahan am lovoten na rana ni Yeso o aro a tao a kano macinanao jya do tangain na. Maniring jira am, “No amyan so tao a omonot jyaken am to na pangawawan o kataotao na a somabway no jyojika na macihza jyaken.

Make 8:34 ပူးပေါင်းရင်းမြစ်များ

Matay 10:38

O ji nabway no jyojika na a macihza jyaken am ji ko na abneka ori a macilolo jyaken.

Matay 16:24

Karahan am maniring si Yeso do macinanao jya am, “No amyan so tao a omonot jyaken am to na pangawawan o kataotao na a somabway no jyojika na macihza jyaken.

Matay 27:32

Makowbot sira am makasinmo sira so tao do Cidinay a meyngaran so Simong. Karahan am gacigatan da somabway no jyojika ni Yeso,

Make 10:21

Citahen ni Yeso o tao ori am ikarilaw na. Maniring am, “Yasa pa mo jya nimapeyvazay. Ipanazang mo o peymeymasaodan mo. O ngina na nizpi am ipangarilaw mo so makasi a tao. Ta ori o iyan no kangangay mo do teyngato a kapacihza mo na jyaken.”

Make 7:14

Lovoten ni Yeso o aro a tao do tangain na am maniring jira am, “Mamimin kamo a omamizing so ciring ko a kapakateneng nyo jya.

Locya 13:24

“Makowyat kamo a omyavayo so macicya onowned nyo. Ko pa ciring jinyo am aro tao a makza no kasdep da macikaop do italamozong na ni Ama ta do to. Am ji sira makasdep a macikaop jira.

Locya 14:33

Akman kamo so sang an. Ta no si likodan nyo o makakaday a vazay nyo am ori o ikanoyong nyo a macilolo jyaken.

Locya 18:22

Mamizing na ni Yeso o ciring na am patonggalan na. Maniring am, “Am yasa ka vazay pa o mo jya nimahap. Miminen mo a ipanazang o kangangay mo a itoro do ipangoyongoyod da tao. Ta ori o iyan na no keynakman mo do teyngato, a kapacilolo mo rana jyaken.”

Locya 20:45

Amizngen da pa no aro a tao o ciriciring na ni Yeso am amyan pa so ciring na do macinanao jya. Maniring jira am,

Locya 9:23

Maniring pa jira si Yeso am, “No myan so tao a macilolo jyaken am to na pangawawan o kataotao na somabway no jyojika na a macihza jyaken. Tana wakwaken da am cyaha, ta o akman rana sang a tao am manoyong a omonot jyaken.

Yowani 10:27

O kagling ko am katenngan da o izezyak ko. So ipakateneng ko jiraha. So da ipacilolo jyaken.

Yowani 19:17

Karahan am yangay da na si Yeso, kapeyrara na rana so jyojika makowbot a meypangay do asa ka tokon a ngaranan da so Yanga no oo no tao. O ingaran da jya no Sipolay a tao am Keketa.

Nimlivolivon 14:22

So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

Loma 6:6

Tamo na katenngan o adan ta onowned a yarana akmey nimacizanod ji Kizisto a nipadket do jyojika. So ikanoyong ta na a nikomaro rana do raraten ta. So ikabo na rana no oyowyat no raraten a tomalamozong nyaten.

Loma 8:17

No manoyong o kakma tey anak ni Ama ta do to am manoyong keyyan no itoro na jyaten no makwa. So ikakman ta sang a macikasaray do Anak na si Yeso Kizisto. Ta yaten rana am no macyanod ta do alalaw na ni Kizisto am macikazway ta do azwazway na.

1 Kedinto 15:31

Manga kakteh, ko mangday so araraw a yatoda jyangangay so inawan. Yamanoyong ori o ciring ko jinyo an. Ta yako tey saray nyo kapacikaop rana ji Yeso Kizisto a Panirsirngen ta.

1 Kedinto 8:13

Am ori o no si ikarahet da o kanen ko no akma koy kakteh do cinai am ji ko na nganna o akman sang a kanen mangay no makwa. Ta maraherahet o kapacinara da jyaken no akma koy kakteh do cinai a marahet nya so onowned.

1 Kedinto 9:19

Yaken rana am yabo mapeylamlamsoy jyaken a tao. Am nakenakem ko o kakma koy lamlamsoy da no aro a tao, do ko kapanop sira.

Cyalatay 2:20

Am ori an, ikabeken a yaken rana no yamavyay sicyaikwaya. Ta si Kizisto rana o yamavyay do onowned ko. O yako ikavyay sicyaikwaya am yako ipeyhanhan o Anak na ni Ama ta do to. Na nikarilaw yaken a na nyangay no inawan.

Cyalatay 5:24

O yaomanod ji Yeso Kizisto a tao am akma dey nipazanod o marahet a nakenakem da do jyojika ni Yeso Kizisto, do kanimawakwak na no raraten ta.

Cyalatay 6:14

Am yaken rana am yabo ikadwa na no yako pazwain, ta si Yeso Kizisto a Panirsirngen ta o yako pazwain a yanimawakwak nyaten do jyojika. O peypeypangayan no jyojika jyaken am yanimavonas rana o marahet a nakenakem ko. O peypeypangayan no nang am yako na nimamlis.

Veydipi 3:10

Am ori o ko naknakman so ko kapakateneng ji Kizisto a kano arako a oyowyat na jyaken. Ta iya rana am tey mowyat, ta nimirwa a mavyay. Yako ikakza o ko kapacizanod jya so alalaw, akman sya ji rahet so kawakwak na.

Veydipi 3:7

Am o ipanci ko no kakwa apiya am ko rana nilikodan a ko kararalay ni Kizisto sicyaikwaya.

Kelosi 1:24

Tana tey rako o alalaw ko sicyaikwaya am cyaha, ta o akman rana sang am ipakasidong ko jinyo a meypahagnat so nakenakem a omraralay ni Yeso. Am ori o ko isaray, ta ipakasidong ko so omraralay ni Yeso Kizisto a tao. Ta nimakman sang si Yeso Kizisto a nimawakwak no omraralay nya tao.

Kelosi 3:5

Am ori o to nyo peykaboboi so marahet a ikeykakza nyo, akman so mapasagpyan so aktokto a kano makakaday a marahet a aktokto a kano mangagom. Ta o mangagom rana ya am akmey to na raralayan o kakzeben na no nakem.

2 Tesalonicya 3:11

O peycirngan namen so akman sang am nimamizing namen o tatasa jinyo a to meyyowyaw a abo so vazavazay a kapanazovaz so icyatatao da.

Tito 2:12

O akman sang a pangangarilawan na ni Ama ta do to am ori o ipakateneng ta do kakaro ta do raten na ni Ama ta do to a vazay ta kano meykamadadayan a ikakza ta do karawan. So ipakateneng ta do kapzat ta do onowned ta a mapeypahagnat so nakenakem ta ji Ama ta do to.

Sipolay 13:13

Am ori o karwan ta na do adan a raralayan da ni Ama ta do to no tao do Yotay a kapacizanod ta ji Yeso Kizisto do alalaw na.

1 Pite 4:1

Manoyong o kanimanngannga na ninyo ni Yeso Kizisto. Am ori an, no manngannga kamo do raralayan nyo ni Yeso Kizisto a kato nyo liliwan sya a makanakem si Kizisto a nisomabway no raraten nyo am manoyong kamo na nikomaro do peyraratenan nyo.

1 Pite 4:13

Kasaray nyo a macizanod so alalaw ji Kizisto. Ta ori o ikasaray nyo no mai rana si Kizisto.

2 Pite 1:14

Ko na makazazap o kakeykai na rana no kataotao ko a komaro do karawan, do kanimapaziman na rana sya jyaken ni Yeso Kizisto.

1 Yowani 3:16

O ta ipakateneng do pangangarilawan na ni Ama ta do to am si Kizisto nitomoro no inawan na jyaten. Am ori o ikasaray ta manidong so tao. Tana mangay rana o inawan ta do panidongan ta so akma tey kakteh do cinai am cyaha. Apya akman sang.

Ipaziman 2:10

Ji nyo anyaheyan o yaomanam a alalaw nyo. Citahey kamo si Satan a yaomileylamdam so nakem nyo si Ama ta do to. So ikanoyong no tatasa jinyo a mangay na alyowen do pamemtengan. So ikasa ngarnan (10) no araraw na no peyrarehten no kataotao nyo. Am to kamo ngotokot so nakem. Ta ori o pantan ko ninyo so to meyyonong a ikavyay no pahad nyo.