Make 8:31 - Seysyo No Tao

³¹ Makarahan am papwen na rana o kananao na so macinanao jya ni Yeso do kakeykai na rana no alalaw na makaranes jya. Maniring jira am, “Mangay o kapakasazi ko so aro a alalaw ko a Nipamnekan na ni Ama ta do to a tao, do kataosya da jyaken no kamanrarakehan a kano panipanirsirngen no mapatanatanang so nakem da si Ama ta do to a kano mangnanao no iwawalam ni Ama ta do to a kawakwak da rana jyaken. Am no ikatlo na araw am mirwa ko a mavyay.”

Make 8:31 ပူးပေါင်းရင်းမြစ်များ

Matay 12:40

Mina katlo araw a kano katlo ahep si Yena nimyan do velek no rako a among. Akman ko sang a Nipamnekan na ni Ama ta do to a tao a amyan do oned no tana so makatlo araw a kano katlo ahep.

Matay 21:42

Maniring si Yeso jira am, “Ji nyo nivilangan pa o ciring do Seysyo? Maniring am, ‘O Vato a niwalit da no mapatnek so vahay am yarana nimeyvaliw a ney makdeng na aslet no ai no vahay. So ikanoyong no vazay ni Ama ta do to a mapeyzokab.’

Matay 27:63

Maniring sira am, “Mo maran, namen pa manakem o ciring no yamangalalas a tao no kavyay na pa manci no, ‘Ikatlo na araw am mavyay ko pa.’

Make 12:10

Nyo pa jyatenngi o akman sya ciring do Seysyo? ‘O Vato a niwalit da no mapakapya so vahay am yarana meyvoga a ney makdeng na aslet no ai no vahay.

Locya 17:25

Am manmanma o keyyan no aro a alalaw ko do peymakarwan da jyaken no tao sicyakwaya.

Locya 24:26

Manngwa, nyo jyatenngi o kangay no akman sang a alalaw no Misayya a kai na rana no azwazway na?”

Locya 24:44

Meyratateng am maniring jira si Yeso am, “O aro a vazay rana ya am nimalavat ko na jinyo no kakwa pa. O nivatvatkan ni Moyse a kano panoyonoywan na so ciring ni Ama ta do to a kano nivatvatkan a Anwanood a yaomagaz jyaken am yarana nimangononong.”

Yowani 12:48

O tomaosya jyaken a ji ngahap so nanao ko am pangozayan ko o ciring ko a manci no keyyan no raraten na no masasnad rana o araraw no kapeykapyapinpin na so tao ni Ama ta do to.

Yowani 2:19

Maniring si Yeso am, “Tana kavakavahen nyo o panaralayan eya am cyaha, ta si katlo na araw am patanken ko.”

Nimlivolivon 7:35

“Si Moyse rana am ji dakzan no keylyan na a somidong sira. Maniring sira am, ‘Sino nimamnek jimo a yatomalamozong nyamen.’ Am iya rana am nipamnekan ni Ama ta do to a amyokod nira a komaro do Ayci, do kanisomidong na sya no tinsi a nimacisirsiring jya do amlila tazici ang.

1 Kedinto 15:4

Nipakakasa da si Yeso. Ikatlo na araw am mirwa a mavyay. So na idket pa do Seysyo no akman sang a ciring.