Make 8:15 - Seysyo No Tao

¹⁵ Maniring si Yeso jira am, “Azimanen nyo o akmey kosozi no odong a yamyan do tao a macyagom do Vadisay a kani Helote.”

Make 8:15 ပူးပေါင်းရင်းမြစ်များ

Matay 14:1

No kanang am o panirsirngen no Cyadidi a meyngaran so Helote am mamizing na o vazay ni Yeso.

Matay 14:3

O cinawakwak na ni Yowani am o panirsirngen a meyngaran so Helote am to ney mehsa o mavakes no kakteh na a meyngaran so Veydipo. O ngaran no mavakes am si Helotiya. Masangib si Yowani a mazyak nya, do kato ney nakawan so kataned na do vahay no kakteh na. Am ori o nipanovoy na ni Helote so tao no kanang a omrakep si Yowani a kangay da nya do pamemtengan.

Matay 14:6

Araraw no cinatazak na tao ni Helote am maganam o anak na mavakes ni Helotiya do tangain no nipanoyon na tao. Ikakza ni Helote o ganam na.

Matay 16:6

Maniring si Yeso jira am, “Azimanen nyo o akmey kosozi no odong a yamyan do tao a macyagom do Vadisay a kano macyagom do Satokay.”

Make 12:13

O tatasa ka tao a macyagom do Vadisay a kano macikagom ji Helote a tao am nipahanhan da sira mangay ji Yeso. Naknakmen da o kapeykala da so malas a ciring na ipatwaw da so kalasan na.

Make 8:14

Nikahamangan da no macinanao ji Yeso o kapalolo da so kanen no kanang. So ikasa na myanpaw amyan do vazangay da.

Make 8:16

Makarahan am ikazyak da. Maniring sira do kadwan jira am, “Ala na pakacirngen ori do yata kajya nimapalolwan so kanen eya.”

Locya 12:15

Maniring jira am, “Azimanen nyo kaji nyo mangagoman so meykamadadayan an. Ta tana meynakem o tao ori am beken a ikapintek na do karawan ori.”

1 Timotay 5:21

Yako myan do tangain na ni Ama ta do to a kani Yeso Kizisto a kano tinsi a yamanci nya jimo. So hapan mo so nanao eya an. No si myan so pacicin mo am amizngen mo o manoyong. Peyyangangain mo sira citahen so karatan.

1 Timotay 6:13

O yako ipanci jimo am yongkad ko si Ama ta do to a nimangamaog so meycyamadadayan a kani Yeso Kizisto a jyanyahey a manci no manoyong a ciring do tangain na ni Pangsyo Pilato.

2 Timotay 2:14

Pazimanen mo o aro a tao do tangain na ni Ama ta do to, ta ji sira macinekanekad no ciriciring da. Ta abo o peypeypangayan no akman sang. Ta kapeyparahet da nya no omamizing sya tao.