Make 6:34 - Seysyo No Tao

³⁴ Makaranes si Yeso do pamsan na am macita na o aro a tao akmey kagling a abo so omonong nira. Am ori o nikasyan na nira. Makarahan am nanawen na sira no aro a ciring.

Make 6:34 ပူးပေါင်းရင်းမြစ်များ

Matay 14:14

Makaranes si Yeso do pamsan na am macita na o aro a tao. So nikarilawan na nira. Am ori o niwakwakan na do ingingnen da no meyngen a tao.

Matay 15:32

Rarahen na ni Yeso sira o macinanao jya. Maniring jira am, “Ko ikabo sira no nakem o aro a tao, do da kapakatlo araw rana do jya. So nikabo rana no kanen da sicyaikwaya. Am ko ji mamyapyan sira meykakcin a omrateng do vahay da, do ko kahawa nira kalingongawan do rarahan a makcin.”

Matay 9:36

Macita ni Yeso o aro a tao am ikarilaw na sira. Ta akmey minaminasbang sira abo so marilaw nira. Akman so kagling a abo so omonong jira a tao.

Make 6:33

Am macita da sira no aro a tao am to da rana tenngi o angayan da. Am ori o nipanmanma da rana no aro a tao do peycyeylilyan a mangay do angayan ni Yeso a kano macinanao jya.

Make 6:35

Maseyrem rana am mai sira o macinanao jya. Maniring sira ji Yeso am, “Yatey mahep rana. Yabo pa do jya o panazangan.

Make 8:1

Ji meyyonownay am amyan pa so aro a tao a mangay do tangain ni Yeso. Meyratateng am abo rana o kanen da. Maniring si Yeso do macinanao jya am,

Make 8:2

“Ko ikabo no nakem sira o aro a tao. Ta yamakatlo rana araw sira a yanimacilovot jyaken am yabo rana o kanen da sicyaraw eya.

Locya 9:11

Katenngan da no aro a tao am macihza sira mangay. So nirapongan na sira ni Yeso kapanci na nya so katalamozong na nyaten ni Ama ta do to a kapangiwakwak na so aro a meykeyngeyngen a tao.

Sipolay 2:17

O peypeypangayan no kapeyngongyod na tao ni Yeso Kizisto am amyan rana so peyneynaran na sya do alalaw no tao do karawan a kapakateneng na rana do ahahapan na sya a marilaw nyaten a mapasyasi nyaten ji Ama ta do to, do ka iya na no ney manhama na mapatanatanang nyaten so nakem ta ji Ama ta do to. Am ori o ikanoyong ta na nivonas na rana ni Ama ta do to so raraten.

Sipolay 4:15

Si Yeso Kizisto am panoyngen na yaten a tao do karawan a ji makanet so nakenakem. Ta iya rana am nimasapa na o makakaday a ilita na jya ni Satan. Am jya nikalittan. Iya am abo o raraten na.