Make 6:20 - Seysyo No Tao

²⁰ ta ikanig na ni Helote si Yowani. Ta abo karatan na. Am ori o ji na gogaji nya. Ta ikakza na amizngen o ipangnanao ni Yowani. Am mangday no amizngen na o ipangnanao ni Yowani o kaji nangnedan so ninyakan.

Make 6:20 ပူးပေါင်းရင်းမြစ်များ

Matay 14:5

Ori o naknakman na sya ni Helote si Yowani a wakwaken. Am ikanyahey na o aro a tao. Ta ipanci da si Yowani a panoyonoywan na so ciring ni Ama ta do to.

Matay 21:26

No si kwan ta o kapo na do tao am jyabo kaji da oyyan nyaten no aro a tao a, do da kanoyong ji Yowani a panoyonoywan na so ciring ni Ama ta do to a.”

Make 11:18

Mamizing da o ciring na no panipanirsirngen no mapatanatanang so nakem da si Ama ta do to a kano mangnanao no iwawalam ni Ama ta do to am naknakmen da o kawakwak da si Yeso. Am ikanyahey da si Yeso, ta tey yaro o tao a omanod do ciring na.

Make 4:16

O nizomsi do kavatovatwan am akman ori so tao a masaray a omamizing so ciring na ni Ama ta do to.

Yowani 5:35

Kapalangayan no zampo si Yowani a amlila maniray. Am ji meyyonownay o sarayan nyo no zezak na.

Nimlivolivon 2:12

So nikalakan da nira kapeyyahhahes da manci no, “Ikongo o akman sya vazay!”

Nimlivolivon 5:24

Mamizing da no panirsirngen da no mamzamzat do rako a panaralayan a kano panipanirsirngen da no mapatanatanang so nakem da si Ama ta do to am ikarahet da, ta ji da tenngi o nyangayan da no nipamnekan ni Yeso a omlivolivon no ciriciring na.