Make 6:14 - Seysyo No Tao

¹⁴ Mamizing no panirsirngen a meyngaran so Helote o aro a vazay ni Yeso a meylimwang rana do peycyeylilyan na. Maniring sira o tao am, “Iya o nimanaktak a meyngaran so Yowani a yanimirwa mavyay. Am ori o na ikatey mowyat a yamapeyvazay so mapeyzokab a vazay.”

Make 6:14 ပူးပေါင်းရင်းမြစ်များ

Matay 9:31

Am kapakowbot da no rarwa ori am ipeylimwang da rana o mina vazay na ni Yeso jira do ili do dang.

Make 1:28

Ori o nipeyrengarengayan da rana do ngaran ni Yeso do Cyadidi.

Make 1:45

Am makowbot o tao ori am to na rana meylimwangan do aro a tao. Am ori o ji na rana nimangai do ili ni Yeso. So niseysan na do siri no ili da. Ta jyates sira o aro a tao do peycyeylilyan na mangay komala sya.

Make 8:28

Maniring sira am, “Yamyan so tao a yamanci nimo a nimanaktak a si Yowani. Yamyan so tao a yamanci nimo a Idiya. Yamyan so tao a yamanci nimo a panoyonoywan na so ciring ni Ama ta do to no kakwa pa.”

Locya 13:31

No kano nang am amyan so tao a macyagom do Vadisay a mangay ji Yeso. Maniring sira am, “Apyapya o kakaro mo do jya a mangay do matarek a ili. Ta na vovwan ni Helote o na kawakwak jimo.”

Locya 3:1

Ikalima na so icyarwa na (15) no awawan na no kapeypanirsirngen da sya no Loma tao so meyngaran si Tipilyo am panirsirngen da si Pangsyo Pilato do Yotay a kapeypanirsirngen da do Cyadidi si Helote. O kakteh ni Helote a meyngaran si Veydipo am panirsirngen da do Itodiya kado Telakeni. O meyngaran si Disaniya am panirsirngen da do Apidini.

Locya 7:17

Ori o nipeylimwangan da nya no akman sang a vazay na ni Yeso do peycyeylilyan na do Yotay a kado livolivon no pongso da.

Locya 9:19

Maniring sira am, “Yamyan so tao a manci nimo a nimanaktak a si Yowani. Yamyan so yamanci nimo a si Idiya. Yamyan so manci nimo a nimirwa mavyay a panoyonoywan na so ciring ni Ama ta do to no kakwa pa.”

1 Tesalonicya 1:8

So yana nikapo jinyo a yameylimwang no nanao na ni Yeso a Panirsirngen ta. O nakenakem nyo si Ama ta do to am beken a do Maciton a kado Akayya o na nispowan, ta yanisompo do peycyeylilyan na. So ji namen mapakaroi so ciring namen an.

Sipolay 2:4

Yakman sang, ta nioyatan na sira ni Ama ta do to a mapeyvazay so makakaday a yamapeyzokab a vazay a yongkad no kanoyong no ipangnanao da. So yana ikakman sang ni Ama ta do to a yamangozay do nakem na a yamvonong so teneteneng a kano oyowyat no Seyzi do omanoyong jya tao a isidong da so icyatatao da.