Make 6:12 - Seysyo No Tao

¹² Makarahan am mangay rana sira o macinanao ji Yeso a meylimwang no ciring na ni Ama ta do to a kavavaga da do aro a tao a mamlis rana komaro do peyraratenan da.

Make 6:12 ပူးပေါင်းရင်းမြစ်များ

Matay 11:1

Teyka na o ciring na ni Yeso a inanao na so rarwa so ikakarwan a macinanao jya am karwan na dang a kangay na do macisngen a ili a mangnanao no Mapasaray a Ciriciring na ni Ama ta do to.

Matay 11:20

No kanang am nioya na o tao do peycyeylilyan na a nimakacita sya a mapeyvazay so mapeyzokab a vazay. Ta ji da ngaroi o peyraratenan da.

Matay 3:2

Maniring am, “Mamlis kamo na, ta yarana makeykai o na katalamozong ninyo ni Ama ta do to.”

Matay 3:8

Ta si mamlis kamo na so icicirawat am ori o ikanoyong nyo rana yana nikomaro do peyraratenan nyo.

Matay 4:17

Nimyapo no kanang o kapeylimwang na rana ni Yeso no nanao na. Maniring am, “Karwan nyo o peyraratenan nyo, ta yarana makeykai o yana katalamozong ninyo ni Ama ta do to.”

Matay 9:13

O ciring do Seysyo am, ‘O kakdain ko am karilaw nyo no icyatatao nyo. So ikabeken a patanangen nyo a makakaday.’ Angay kamo na kanakenakem nyo pala so peypeypangayan no ciring ang. Ta o ko nyai am beken a ko manara so ji meyraraten a tao. Ta o yameyraraten a tao am ori o yako nyai.”

Make 1:15

Maniring am, “Yarana makeykai o yana katalamozong ninyo ni Ama ta do to. Am ori o karwan nyo na do peyraratenan nyo a omanoyong do Mapasaray a Ciriciring na ni Ama ta do to.”

Make 1:3

Amyan so tao a omlololos do kabwan no nihakawan no tao a manci no, ‘Inyo rana am wadwadan nyo o rarahan no Panirsirngen ta, ikatazineng na rana no pangonongan na.’ ”

Locya 11:32

No marateng o ipacici na mapeykapyapinpin so tao ni Ama ta do to am meytatanek sira o tao do Niniwey a omraherahet jinyo a tao sicyaikwaya. Ta mamizing da o ciring ni Yena am mamlis rana sira. Ko pa ciring jinyo am yamyan do jya so yarakorako pa so vazay a kani Yena am yanyo ji ngapa o nanao na jinyo.”

Locya 13:3

Beken a akman sang. Ko pa ciring jinyo am no si ji kamo mamlis am akman kamo so sang a mawakwak.

Locya 13:5

Ko pa ciring jinyo am no si ji nyo ablisi o kapeyraraten nyo am akman kamo so sang a macitopos.”

Locya 15:10

Ko pa ciring jinyo am o tinsi na ni Ama ta do to am akman so sang a somaray no asa ka mamlis a meyraraten a tao.”

Locya 15:7

Ko pa ciring jinyo am no mamlis o asa ka meyraraten a tao am arakorako pa o sarasaray do teyngato a kano asyam so ipakapoo (99) a tanwasiwasi a tao a jyakza no kapamlis da.

Locya 24:47

Am ori o papwen sya do Yelosaleng a meylimwang no mamlis a kano manvonas so raraten a ciriciring a kangay na do peycyamahamahatawan na.

Locya 9:6

So nyangay da omlivolivon do peycyeylilyan na a meylimwang no Mapasaray a Ciriciring na ni Ama ta do to a kapangiwakwak da so ingingnen no tao.

Nimlivolivon 11:18

Mamizing da o ciring na jira am ji da rana namwada, ta isaray da si Ama ta do to. Maniring sira am, “Yamanoyong si Ama ta do to a yamarilaw no beken a tao do Yotay a nimamlis rana a na torwan no to meyyonong a ikavyay no pahad da.”

Nimlivolivon 2:38

Maniring si Pite jira am, “Mamlis kamo na so nakem a komaro do raraten nyo a kataktak da jinyo no ngaran ni Yeso Kizisto. Ta ori o ikavonas na no raraten nyo a katoro na rana nya jinyo so Seyzi ni Ama ta do to.

Nimlivolivon 20:21

Tana tao do Yotay a tana tao do Sila am yako inyo to peyyangangaya a yananawen, do ko kakza ninyo a mamlis so nakem a omanoyong ji Yeso Kizisto a Panirsirngen ta.

Nimlivolivon 26:20

Nimanma na do Tamaseke a kado Yelosaleng o nyangayan ko a kangay ko na do peycyeylilyan na do Yotay a kado peyilyan da no beken a tao do Yotay amvavaga jira a komaro do peyraratenan da a somazap si Ama ta do to a mapacita rana no apiya icicirawat da, do kanoyong da rana nimamlis.

Nimlivolivon 3:19

Am ori o ipamlis nyo rana somazap si Ama ta do to. Ta ori o ivonas na so raraten nyo.