Make 4:34 - Seysyo No Tao

³⁴ No myan do kalwalovotan am nanawen na sira no pehngehngain na a ciring. No maveyvow si Yeso a kano macinanao jya o pancyan na no peypeypangayan no nanao na.

Make 4:34 ပူးပေါင်းရင်းမြစ်များ

Matay 13:34

Mangononong si Yeso so pehngehngayan na so ciring na do aro a vazay na. No abo pehngehngayan na so ciring na am abo inanao na sira so aro a tao.

Make 4:10

Maveyvow si Yeso am o niomamizing so ciring na tao am macihza sira do rarwa so ikakarwan a macinanao ji Yeso a mangay manahes no peypeypangayan na.

Make 4:33

Aro o akman sang a payyaingen na ni Yeso a ciring na a inanao na so tao. To na mangozai o katenngan da no tao a inanao na sira.

Locya 24:27

Meyratateng am pangozayan na o nivatvatkan ni Moyse a kano panoyonoywan na so ciring ni Ama ta do to a kaononong na rana do mina ciring da sya do Seysyo a omagaz do kataotao na.

Yowani 10:6

Ipanci na jira ori a pehngehngayan na sya ni Yeso. Am ji da azab o peypeypangayan no ciring na.

Yowani 16:25

“Amyan rana so nipehngehngay ko a ciring ko jinyo. Am yarana makeykai o araraw na a makaranes. So ji ko rana mapowzibi so ciring ko. Ta ko na pasononga o vazay ni Ama a ipanci ko jinyo.

Nimlivolivon 28:23

Meyratateng am mamnek sira so kasaraw a ipeylovolovot da so tao a omamizing so ciring ni Pawlo. Marateng rana o araraw na am aro sira o tao a nimai a omamizing so ciring ni Pawlo. Meyratateng am papwen na ni Pawlo do penzak a kangay na nya do mahep a omononong do italamozong na ni Ama ta do to a mapanod sira. Meyratateng am vilangan na o iwawalam na ni Moyse a kano vakong da no panoyonoywan na ciring ni Ama ta do to no kakwa a mapanop sira a omanoyong ji Yeso.