Make 4:24 - Seysyo No Tao

²⁴ Maniring pa jira am, “Peyyanen nyo do onowned nyo o yanyo nimamizing a ciring. O ahahapan nyo sya do icyatatao nyo am akman sang o ahahapan na sya jinyo ni Ama ta do to. So ikarwaro na pa no itoro na jinyo a yarana omamizing so nanao na ni Ama ta do to.

Make 4:24 ပူးပေါင်းရင်းမြစ်များ

Matay 7:2

Ta o ahahapan nyo so panraherahetan nyo so icyatatao nyo am akman sang o ahapan da sya no tao a amraherahet jinyo. To macilocilolo do kakdekdeng no iraherahet nyo so icyatatao nyo o raherahetan da jinyo.

Make 9:7

Makarahan am to ngyan so cinalab a macita da a ambengbeng do teyngato da. Meyratateng am to ngyan so ciring a meyzezyak. Maniring am, “Iya rana am ney kaglaw ko a Anak. Amizngen nyo o ciring na.”

Locya 8:18

Am ori o amizngan nyo sya an. Ta o mamizing so ciring na ni Ama ta do to am arwaro pa o makarapa jira ciring. Am o ji ngamizing so ciring na ni Ama ta do to am tana myan so alikey a katenngan da am to meykabobo pa jira ori.”

Yowani 10:16

O kagling ko a yapa ji macyamaot do jya am mangay ko kalahen sira kapakamizing da so itawag ko jira. So icyakma dey yasa a onongan ko.

Yowani 10:27

O kagling ko am katenngan da o izezyak ko. So ipakateneng ko jiraha. So da ipacilolo jyaken.

Yowani 5:25

“To ko na macitangayan jinyo am oya rana o araraw na. So na rana ikanoyong a yarana nimakaranes no ipakamizing da so ciring ko no kabwan na pa no to meyyonong a ikavyay no pahad da a tao. Am o mahap so ciring ko o makahap so to meyyonong a ikavyay no pahad da.

Nimlivolivon 17:11

O tao rana dang am apyapya sira kano sinjya do Tesalonicya. Ta makdeng sira omamizing so ipangnanao da Pawlo. Masangib sira do araraw a tomita so Seysyo. Kakzeben da katenngan o kanoyong na kalas na no ipanci na ni Pawlo.

2 Kedinto 9:6

Manakem nyo an. Ta o apereh so nipamowa am apereh o mahap da. O aro so nipamowa am aro mahap da.

Sipolay 2:1

Am ori an, peyyanan ta so nimamizing ta a nanao na ni Ama ta do to do onowned ta. Ta ori o ji ta macisyai do manoyong a nanao na ni Ama ta do to.

1 Pite 2:2

Akman kamo so nimatazak a kanakan a komakday so meyzoko a akmey kanen no pahad nyo. So yopan nyo so sang a ipeypahagnat nyo a macikaop ji Ama ta do to.

1 Yowani 4:1

Inyo rana manga keypong am ji nyo to peyzangkapa sira anoyngan o manci no keyyan na jira no Seyzi. Ta ileylamdamen nyo o kanoyong na, kalas na no ipanci da Seyzi a apo ji Ama ta do to. Ta yaro sira o yamangalalas no nanao da a tao.