Make 4:19 - Seysyo No Tao

¹⁹ ji makapalasi, ta masanga sira no vazay da do karawan a kalita jira no peymeymasaodan da kano makakaday a ikeykakza da do karawan. Am ori o ikabengbeng no ciring na ni Ama ta do to do onowned da.

Make 4:19 ပူးပေါင်းရင်းမြစ်များ

Matay 13:22

O nizomsi do katamtamkan am katonodan no tao a omamizing so nanao ni Ama ta do to. Am masanga no vazay na do karawan a kalita jya no peymeymasaodan na. Am ori o ikabengbeng no ciring na ni Ama ta do to do onowned na.

Matay 19:23

Karahan am maniring si Yeso do macinanao jya am, “To ko na macitangayan jinyo am tey masalit o aro so peymeymasaodan a tao a macikaop do italamozong ni Ama ta do to.

Matay 3:10

Yana mazomtad o zaig do atngeh no kayo. O ji malasi a kayo am miminen na atbahen a kapasleb na sya do apoy.

Make 4:18

O nizomsi rana do katamtamkan am tana amizngen da o ciring na ni Ama ta do to am,

Locya 10:41

Maniring si Yeso am, “Mo Marta, ka masanga no aro a vazay.

Locya 21:34

“Am ori o apzatan nyo do onowned nyo an. Ta ji kamo to ngyop so saki a maozoz no meykamadadayan a ikeykakza nyo. Ta ji nyo a tenngi o araraw na no ipeydedna na jinyo.

Yowani 15:2

O ji malasi a yangaw a macinapnap jyaken am akteben na. O malasi a yangaw na am vezeden na, kato na ngarokan no asi na.

Loma 12:2

Ji nyo to panwanoda o kataotao nyo do yamarahet so yahahapan sya tao do karawan. Ta apyapya pa o kablis na so onowned nyo ni Ama ta do to. Ta ori o ipakateneng nyo do apya nakenakem na jinyo ni Ama ta do to a kano isaray ni Ama ta do to a vazay.

Ivoso 2:2

No kano nang am onotan nyo pa o malas a vazay da no ji manganoyong a tao a kano ciring ni Satan a yatomalamozong no meyraraten a tao.

Ivoso 6:12

Ta yaten rana am beken a ta macililiman do tao. Ta tamo macililiman ji Satan a kano aro a kalamsoyan na yatomalamozong no meyraraten a tao do karawan.

Veydipi 4:6

Ji nyo a ratan o makakaday a vazay nyo an. Ta ipanci nyo do inozi nyo o kakzeben nyo ji Ama ta do to a kasaray nyo so onowned a mapasyasi jya an.

1 Timotay 6:17

Pazimanen mo do aro so kangangay sicyaikwaya an, ta ji sira mapakazwazway. Ji da meyhanhanan o aro a apzapzatan da, ta ji da tenngi o kato na meyyonongan no nang a ikapya da. Ta si Ama ta do to o ipeyhanhan da yamanta nyaten so meycyamadadayan.

2 Timotay 4:10

Ta na nikarwan rana yaken ni Temase a mangay do Tesalonicya, do kapyapya na pa so masaod no karawan. Si Keleseke rana am nimangay do Cyalatay. Si Tito am nimangay do Taarmatiya.

2 Pite 1:8

Mamimin ori a ahapen nyo. Ta ori o iyan no peypeypangayan no kararalay nyo ni Kizisto, do kapakateneng nyo rana ji Yeso Kizisto a Panirsirngen ta.

Yota 1:12

No kamo mamarimaring so kanen am nyo pacikatamwadan sira, do da kabo no panganyanigan. So da icyakman so cinalab a yana pavyoten no pagpag a ji na maciralai no cimoy. So da icyakman so kayo a ji malasi, akmey nimasapwat so yamot a to rana oto.