Make 3:22 - Seysyo No Tao

²² Maniring sira o apo do Yelosaleng a mangnanao no iwawalam ni Ama ta do to a tao am, “Beken a yana kovotan ya ni Satan a meyngaran so Peysepo? Am ori o yana to makavozwawi so kalamsoyan na ni Satan?”

Make 3:22 ပူးပေါင်းရင်းမြစ်များ

Matay 10:25

O macinanao a tao am amyan so kasaraw a ipacingay da do amnanao sira. Akman sang o peylamsoin da tao, ta amyan so kasaraw a ipacikto da do mapeylamsoy sira tao. No ngaranan da o makayokod no asa ka vahay so marahet a ngaran a Peysepo am jyabo kaji da to macizagoman no macivahay jya tao a.

Matay 11:18

Mai si Yowani am jyangan no tomakatakaw do kanakenakem na si Ama ta do to a kano ji nimyop so saki. So nipancyan da nya zomyak.

Matay 12:24

Mamizing da no tao a macyagom do Vadisay am maniring sira am, “O na ipakavozwaw so kalamsoyan ni Satan am na oyatan ni Satan a meyngaran so Peysepo.”

Matay 15:1

Amyan so tao a macyagom do Vadisay a kano mangnanao no iwawalam ni Ama ta do to a nimapo do Yelosaleng a mangay ji Yeso. Maniring sira jya am,

Matay 9:34

Am maniring sira o tao a macyagom do Vadisay am, “Oyowyat na ori a yamamozwaw an? No na nitoro jya ni Satan.”

Make 7:1

O tao a macyagom do Vadisay a kano nimapo do Yelosaleng a mangnanao no iwawalam ni Ama ta do to am mangay sira do tangain ni Yeso.

Locya 11:15

Am amyan jira ori so tao a manci no, “Iya rana ori am na nioyatan ni Satan a ngaranan da Peysepo. Ori o na ipakavozwaw so kalamsoyan ni Satan a komovot do tao.”

Locya 5:17

Ipisa mangnanao si Yeso am amyan so makanateng a tao a macyagom do Vadisay a kano mangnanao no iwawalam ni Ama ta do to. Sira rana ori am nimapo sira do Yelosaleng a kado peycyeylilyan na do Cyadidi a kado Yotay. Ikongo do nioyatan na ni Ama ta do to si Yeso, am ori o nipangiwakwak na so meykeyngeyngen a tao.

Yowani 10:22

Teyka sira mamaring so kanen do Yelosaleng do kaniomyavayo da so rako a panaralayan da no kakwa pa am zosok no ahemyan no kano nang.

Yowani 7:20

Maniring sira o aro a tao am, “Ka kovotan eya an? Sino yamwakwak jimo.”

Yowani 8:48

Maniring sira o tao do Yotay ji Yeso am, “Namen ipanci imo a tao do Samadiya a yakovotan. Manngwa, yamalas ori?”

Yowani 8:52

Maniring sira o tao do Yotay jya am, “Namen rana katenngan imo a yakovotan. Yarana nimawakwak si Apolahan a kano panoyonoywan na so ciring ni Ama ta do to. Am no ka maniring am, ‘O mahap so nanao ko am to meyyonong o akman sang a tao a ji rana wakwak.’