Make 3:18 - Seysyo No Tao

¹⁸ a kani Antele a kani Veydipo a kani Patolomaw a kani Matay a kani Tomase a kani Yake a anak ni Alevey a kani Tatay a kani Simong a macikagom do macioya do Loma a tao,

Make 3:18 ပူးပေါင်းရင်းမြစ်များ

Matay 13:55

Beken a anak na ori no meykeykawaz asyo? Beken a ina na si Madiya asyo? Beken a wari na si Yake a kani Yoseyvo a kani Simong a kani Yota asyo?

Matay 9:9

Karwan na do dang ni Yeso am macita na o mapeyvazay so deyking a tao a meyngaran si Matay a omlisna do torotorwan no deyking a vahay. Maniring jya am, “Sijya, kapacilolo mo jyaken.” Meyratateng am meytatanek a kapacilolo na rana jya.

Make 2:14

Mangonong am macita na o mapeyvazay so deyking a tao. Iya rana am anak ni Alevey a meyngaran so Diwey a omlisna do torotorwan no deyking a vahay. Maniring jya si Yeso am, “Macilolo ka jyaken an.” Makarahan am meytatanek rana si Diwey a kapacilolo na rana ji Yeso.

Make 3:17

a kano anak ni Sipitay a meyngaran so Yake a kani wari na meyngaran si Yowani. O ingaran na jira ni Yeso am Panici. O peypeypangayan na am akman so adey,

Make 3:19

a kano tao do Isecyadi a meyngaran so Yota a nimanazang ni Yeso.

Make 6:3

Beken a ori o meykeykawaz a tao asyo? Beken a iya o anak ni Madiya asyo? Beken a kaka na ni Yake a kani Yoseyvo a kani Yota kani Simong ori asyo? Da kapeyvahay do jya no wari na mavakes eya am.” Makarahan am ikaoya da na si Yeso.

Yowani 1:40

O rarwa nimacihza ji Yeso a tao am asa ka tao o kakteh na ni Simong Pite a meyngaran si Antele.

Yowani 11:16

O meyngaran so Tomase a ngaranan da si Nimeytovong a nimatazak a tao am maniring do karwan da macinanao ji Yeso am, “Macihza tamo jya, kapacikawakwak ta jya.”

Yowani 14:22

Maniring si Yota (am beken a nimanazang ni Yeso a si Yota tao do Isecyadi) am, “Mo Panirsirngen, ikongo na ika yamen no makateneng jimo a yaji zagom so tao do karawan.”

Yowani 21:2

No kano nang am nimalovot sira Simong Pite a kani Tomase a meyngaran pa so Nimeytovong a nimatazak a tao a kani Natannay a tao do Cyana do Cyadidi a kano rarwa ka anak ni Sipitay a kano rarwa pa dang a kararay da a macinanao ji Yeso.

Nimlivolivon 1:13

Makaranes sira do Yelosaleng am somdep rana sira do kavava no vahay a peyvahayan da. Sira rana am si Pite a kani Yowani a kani Yake a kani Antele a kani Veydipo a kani Tomase a kani Patolomaw a kani Matay a kano anak na ni Alevey a si Yake a kano ipanci da macikagom do macioya do Loma a meyngaran so Simong a kano anak na ni Yake a si Yota.

Nimlivolivon 15:13

Mateyka sira a mangononong am meyzezyak si Yake. Maniring am, “Manga kakteh, amizngen nyo an.

Nimlivolivon 21:18

Ikadwa na araw am macihza namen ji Pawlo a mangay tomita si Yake. O panipanirsirngen rana do kyokay am amyan sira dang.

1 Kedinto 15:7

Meyratateng am mapacita pa ji Yake a kangay na pa mapacita do nipamnekan na amlivolivon no ciriciring na tao.

1 Kedinto 9:5

Jyabo kapacitarek ko do karwan namen a nipamnekan ni Kizisto a. Akman so kakteh ta si Pite a ka nira wari na ni Yeso a mapalololo so kahanghangan da mangilili.

Cyalatay 1:19

So ji ko nimakacitai so karwan da nipamnekan na ni Yeso Kizisto a amlivolivon no ciriciring na. O wari na ni Yeso a Panirsirngen ta a meyngaran so Yake o nimacita ko. So ji ko nimakacitai so karwan da a nipamnekan na ni Yeso Kizisto a amlivolivon no ciriciring na.

Cyalatay 2:9

Am katenngan da no panipanirsirngen do kyokay a si Yake a kani Pite a kani Yowani o ka yaken na no nipanta na ni Ama ta do to so oyowyat a meylimwang no Mapasaray a Ciriciring na do beken a tao do Yotay am isaray da yaken a kani Parnapo. Am ori o mina to da macipanadngi jyamen a meylimwang no Mapasaray a Ciriciring na ni Ama ta do to do beken a tao do Yotay. Am sira am to sira tarek a mapamizing so tao do Yotay.

Yake 1:1

Yaken rana am si Yake ko a lamlamsoy na ni Ama ta do to a kani Yeso Kizisto a Panirsirngen ta. Yako ipeyminaminasi o yamavonong do peycyavanovanwan na a yamraralay ni Ama ta do to a tao.

Yota 1:1

Yaken rana am si Yota ko a lamlamsoy na ni Yeso Kizisto a kakteh na ni Yake. Ko ipeyteygami inyo a nipamnekan na rana ni Ama ta do to a yamahap rana so pangangarilawan na ni Ama ta do to a yamanoyong a yana rana apzatan ni Yeso Kizisto.