Make 2:20 - Seysyo No Tao

²⁰ Am no marateng rana o araraw a irakep da so mahakay ori am manoyong rana kaji da mangakadayan do kasinalaw da nya.

Make 2:20 ပူးပေါင်းရင်းမြစ်များ

Matay 26:31

Makarahan am maniring si Yeso do macinanao jya am, “Sicyamahep eya am mamimin kamo a amlikolikod jyaken a peymakarwan. Ta maniring do Seysyo am ‘Wakwaken ko o mapamangan so kagling a kapeyvwak da no kagling.’

Matay 9:15

Maniring si Yeso am, “No mamaring so kanen o mahakay a matarek so vahay a tao am manngwa, amlavi sira o nipanoyon na tao? Jyabo kakman da sang a. Am no marateng o araraw no irakep da so mahakay ang am manoyong rana o kaji da mangakadayan, do kasinalaw da nya.

Make 2:19

Maniring si Yeso am, “No macikaop pa do pamaringan da so kanen no matarek so vahay a mahakay am manngwa, koman sira o cinirara na tao an? Jyabo kaji da nganan do ipacihanghang na jira.

Make 2:21

“Abo tao a mapatapang so vayo a milakayob do adan a ayob. Ta ji macimangno. So ikapising no adan a ayob ang. So ikarakorako na pa no kazamitan na.

Locya 17:22

Maniring pa do macinanao jya am, “No marateng o araraw na am tana ikeykakza nyo o kapakacita nyo jyaken a mai a omahap jinyo am jyabo kapakacita nyo jyaken a.

Locya 5:35

No marateng rana o araraw na no irakep da so mahakay am, ori rana o ikanoyong da ji mangakaday.”

Yowani 12:8

Yamasangib sira o makasi a tao a yamacikaop jinyo. Am yaken am yalikey rana ipacikaop ko jinyo.”

Yowani 13:33

Yalikey rana, manga keypong, ko ipacikaop jinyo. Tana kalahen nyo yaken am ji nyo a kala yaken. Am ko to mancyan rana jinyo sicyaikwaya akman so mina ciring ko do panipanirsirngen da no tao do Yotay. O angayan ko am ji nyo makaranesi.

Yowani 16:28

Ko apo ji Ama ta do to a yanimai do teyrahem. Sicyaikwa rana ya am ko na karwan o karawan a yamangay rana ji Ama ta do to.”

Yowani 16:7

Am to ko na macitangayan jinyo am no si mangay ko am apya ori jinyo. No si ji ko angay am ji makaranes jinyo o somidong jinyo a Rarey nyo. Am no si mangay ko am tovoin ko a mangay jinyo.

Yowani 17:11

Ko na mangay jimo sicyaikwaya. So ji ko rana ngyani do karawan. O yamavezed a nitoro mo jyaken a tao am apzatan mo sira no oyowyat mo, mo Ama do to. So icyakma dey yasa a akman jyaten.

Yowani 17:13

“Sicyaikwaya am ko na mangay jimo. Ko na nipanci o aro a vazay eya do yako iyan pa do karawan. So ikanoyong da masaray so onowned do kapasaray ko sira.

Yowani 3:29

Akman so meysinmo a tao. No mapasakay o tao am masaray sira o kagagan na makamizing sya. Am o nitomamtamek jya tao o angayan no mavakes ang. Yaken rana am yako akman so kagagan na yatey masaray a makamizing sya.

Nimlivolivon 1:9

Teyka na rana ori a ciring am meycyakavat rana si Yeso do teyngato. Tangarahen da am amyan so asa ka cinalab ambengbeng so citahen da.

Nimlivolivon 14:23

Meyratateng am mamnek sira so panipanirsirngen da do peycyakyokyokayan na a madaday do teyhesa ka ili. Ji sira mangakaday a meynozi nira ji Ama ta do to.

Nimlivolivon 3:21

Am to ngyan pa do teyngato si Yeso a mangay no si yavaywen ni Ama ta do to o makakaday amyan do teyrahem eya. Ta oya rana am nipanci ni Ama ta do to no kakwa pa do panoyonoywan na so ciring na.

1 Kedinto 7:5

Am ori o ji nyo mapasalai do kadwan jinyo an. No nakem no asa jinyo so kapeynozi na am manoyong o kapeytarek nyo so alikey. Am no komavos rana a meynozi am meytovong kamo na meyyaven do vahay. Ta littan na inyo ni Satan do kaji nyo makaparingan so nakem nyo.

2 Kedinto 11:2

Yaken rana am yako pangozayan o pangangarilawan na ni Ama ta do to a yamarilaw ninyo. Kamo akman so jya nimacivahavahay a mavakes a yako tovoin a someksek ji Kizisto.

2 Kedinto 11:27

Jingwan sang am masangib ko a ji makaitkeh do katey mazikna ko no kataotao. No makcin ko, mawaw ko, abo isanan ko, mahen ko am akman sira sang o ikarahet ko.

2 Kedinto 6:5

Nibakbakan da yamen. Nyaneban da yamen. Nigolo da o cicilwan namen no tao. Nimazikna namen. Nimapowaw namen ji makaitkeh. Nimakcin namen.

Ipaziman 19:7

Makapya ta somaray a zomwazway sya. Ta yarana makeykai o araw no kapazagzagpit no Kagling. So yana rana tazimanan jya no yasomeksek jya mavakes.

Ipaziman 21:9

O papito a ka tinsi a meypinan so apito a panay a kapnowan no manowji a alalaw am amyan so asa jira a nimai a manci nya jyaken. Maniring am, “Sijya, ta ipacita ko jimo o yasomeksek do Kagling a mavakes.”