Make 2:17 - Seysyo No Tao

¹⁷ Mamizing na ni Yeso am nanawen na sira. Maniring am, “O apya so kataotao a tao am ji da ngala o mangavavaw a tao an. Ta o meyngen a tao o komala so koysang. O peypeypangayan no ko nyai am beken a ko manara so ji meyraraten a tao. Ta o yameyraraten a tao am ori o yako nyai.”

Make 2:17 ပူးပေါင်းရင်းမြစ်များ

Matay 18:10

“Makapzat kamo. Ji nyo ngolala sira o pakananaken da tao. To ko na macitangayan jinyo am o tinsi a yasomidong sira am yamyan sira do tangain ni Ama ta do to do teyngato.

Locya 15:10

Ko pa ciring jinyo am o tinsi na ni Ama ta do to am akman so sang a somaray no asa ka mamlis a meyraraten a tao.”

Locya 15:29

Maniring do ama na am, ‘To mo na naknakman, ta yako rana jyatenngi o zikzikna ko so vazay ta a yaji mapasobna do ciriciring mo. Am ikongo nakenakem mo jyaken. Yabwata pa o asa ka kagling a mo mina nakem jyaken a ipanaotao ko so kagagan ko.

Locya 15:7

Ko pa ciring jinyo am no mamlis o asa ka meyraraten a tao am arakorako pa o sarasaray do teyngato a kano asyam so ipakapoo (99) a tanwasiwasi a tao a jyakza no kapamlis da.

Locya 16:15

Maniring jira si Yeso am, “Kanyo mapakapyapya so nakem do tangain no tao. Am si Ama ta do to rana am yamanita so onowned no tao an. Ta o ipanci no tao a ney makdeng na vazay am ipanci na ni Ama ta do to a jyakdeng.

Locya 19:10

O ko nyai rana ya am yako meykala so meyraraten a tao a kapatastas ko sira do teyngato.”

Yowani 9:34

Karahan am ioya da o tao ang. Maniring sira jya am, “Si mangnanao ka yameyraraten eya am makongo.” Karahan am pagcinen da do peyneynozyan da.

Yowani 9:40

Mamizing da o ciring eya no amyan dang a tao a macyagom do Vadisay am pacicin da si Yeso. Maniring sira am, “Manngwa, mo patpehen yamen do mavota tao?”

Nimlivolivon 20:21

Tana tao do Yotay a tana tao do Sila am yako inyo to peyyangangaya a yananawen, do ko kakza ninyo a mamlis so nakem a omanoyong ji Yeso Kizisto a Panirsirngen ta.

Nimlivolivon 26:20

Nimanma na do Tamaseke a kado Yelosaleng o nyangayan ko a kangay ko na do peycyeylilyan na do Yotay a kado peyilyan da no beken a tao do Yotay amvavaga jira a komaro do peyraratenan da a somazap si Ama ta do to a mapacita rana no apiya icicirawat da, do kanoyong da rana nimamlis.

Tito 2:14

Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.