Make 16:18 - Seysyo No Tao

¹⁸ Tana to da minani o tokza, omyop so makazazakat a kosozi am apya sira. No paoptahen da o lima da so meyngen a tao am todapya sira.”

Make 16:18 ပူးပေါင်းရင်းမြစ်များ

Make 5:23

Maniring am, “Yatey makdeng o ingingnen no anak ko a mavakes. Mangay mo pa parapongen o lima mo jya keywakwak mo jya kapya na rana.”

Locya 10:19

Amizngen nyo an, ta ko na nitoro jinyo oyowyat ko an. So ikanoyong nyo makazazat do oyowyat ni Satan. So ikabo no matarek a oyowyat a makataha jinyo. Tana to kanyo meyzasag so mavowaw am ji da peyzaza inyo.

Nimlivolivon 19:12

Am ori o nyahapan da no tao so nipeyveynget ni Pawlo a pangain do kataotao da no meyngen a tao a kapya da rana a kavozwaw da no kalamsoyan ni Satan a komovot do tao.

Nimlivolivon 3:12

Macita na ni Pite o aro a tao am maniring jira am, “Inyo rana a keylyan ko a Isedi a tao am ikongo nyo kalakan no akman sya vazay ang. Ikongo nyo to nitai jyamen. Nyo ipanci a oyowyat namen am kakdekdeng namen o yaniomiwakwak do tao eya?

Nimlivolivon 3:16

Namen nipangozayan o ngaran na ni Yeso. Ori o na nikapya no tao a yanyo macita do nyo tangain ang.

Nimlivolivon 4:10

naknakmen nyo a Isedi a tao an. O na nipeytatanek do tangain nyo no tao eya a nimapya rana am oyowyat no ngaran na ni Yeso a tao do Nasale a nipadket nyo do jyojika a nipirwa na avyain ni Ama ta do to.

Nimlivolivon 4:22

O kakawakawan na no nimapilay a tao ori am to ngyan so ikasikalima (50) no awawan na ang.

Nimlivolivon 4:30

So pacittan mo no oyowyat mo a mangiwakwak so ingingnen no tao a keyyan no mapeyzokab a vazay namen a mangozay do ngaran ni Yeso a nipamnekan mo a mahap so vazay mo.”

Nimlivolivon 9:34

Maniring jya si Pite am, “Mo Aynayya, peyvangon rana kahap so ireyrayan mo. Ta na rana nipeypapya imo ni Yeso Kizisto.” So nikapya na rana.

Loma 16:20

Si Ama ta do to o yamanta nyaten so ikapiya no onowned ta. Makeykai na rana si Satan a haragen a kabo na rana no oyowyat na amlita jinyo. Inaoy si itoro na ni Yeso Kizisto a Panirsirngen ta o pangangarilawan na jinyo.

1 Kedinto 12:9

Yakman sang, ta na itoro do yasa ka tao o kakdeng no nakenakem na ji Ama ta do to, a na katoro nya do yasa ka tao so oyowyat na a yamvonas so ingingnen no tao.