Make 16:1 - Seysyo No Tao

¹ Komavos o ipeywalam no tao am manazang si Matelyan Madiya kani Madiya a ina na ni Yake a kani Salomey so mahangno a haneng, mangay da ikoris do kataotao ni Yeso.

Make 16:1 ပူးပေါင်းရင်းမြစ်များ

Make 14:3

Amyan si Yeso do Potani do vahay da da Simong a omlabyab so kolit no kakwa. Koman sira am mangai o asa ka mavakes so tagaw a kapnowan no masingat a mahangno a haneng. Karahan am aspin na o tagaw a kapaglo na sya do oo ni Yeso.

Make 14:8

Am iya rana am na paminmindan rana ya no nakem na jyaken an, a yamapaglo do kataotao ko so yamahangno a haneng. Ta ori rana am yavat na ori do bobwan da jyaken.

Make 15:40

Amyan so aro a mavakes a makacita sya a macyatovang jya. Sira rana am Matelyan Madiya kano ina na ni Yake a kani Yoseyvo a Madiya kani Salomey a kano karwan da icyamavavakes da.

Make 15:42

Maseyrem rana do vekhas na no ipeywalam da no tao do Yotay am nimai si Yoseyvo. Iya rana am tao do Adimatay a tey kanig da ori no panipanirsirngen a kararay na. Iya rana am tey saray na no nang o kapananala na so katalamozong na nyaten ni Ama ta do to. Ji na mamman si Pilato. Am ori o yangay na a manci nya ji Pilato so kakas na so kataotao ni Yeso a pakakasahen.

Make 15:47

Si Matelyan Madiya kano ina na ni Yoseyvo a Madiya am nimacilolo sira. So pakatenngan da do nipakakasan da si Yeso.

Make 16:2

Apnezak do niciyo do ipeyzengazengang na rana am mangay sira do nipayan da so kataotao ni Yeso.

Make 16:8

No mangay kanyahey da am mangay keyyak da nya a malalayo a komaro rana do heseb na. Am ji da nipanci do tao. Ta manyahey sira.

Locya 23:54

O araraw na no nang am ikalima na zezak a ipeypanam na no kapeywalam no tao.

Locya 23:56

Omoli sira do vahay da am mapeysinsinmo sira so mahangno a haneng a kato da mangozayan do iwawalam da a meywalam do ipeyweywalam no tao.

Locya 24:1

Madagdag do niciyo am palolwen da na no mavavakes ang o nipeysinsinmo da mahangno a haneng a mangay do nipakakasan da si Yeso.

Yowani 19:25

O meytatanek do katangked no jyojika ni Yeso am si ina na kani kaminan na kani Madiya a mavakes ni Kelopo a kani Matelyan Madiya.

Yowani 19:31

Karahan am ipanci da ji Pilato no kamanrarakehan da no tao do Yotay o kavaci da so ai da no nipadket da do jyojika a tao a kakeykai da mawakwak a kapeypakas da rana so kataotao da do jyojika. O hapan da so akman sang a vazay am raten da o kato na ngyanan no kataotao da do jyojika do ipeywalam no tao do Yotay. Ta do ikadwa na araw am makdeng a ipamaring da so kanen.