Make 14:41 - Seysyo No Tao

⁴¹ Ipitlo si Yeso a mangay jira am maniring jira am, “Yakamo pa mitkeh? Cyana, manga ovay. Ta yarana makeykai o Nipamnekan na ni Ama ta do to a tao a ipanazang da do meyraraten a tao.

Make 14:41 ပူးပေါင်းရင်းမြစ်များ

Matay 26:2

“Nyo katenngan o na kadwa rana araw no yakapamaring so kanen do Iyeci. Mangay o kapanazang da no Nipamnekan na ni Ama ta do to a tao a padketen do jyojika.”

Make 14:10

O rarwa so ikakarwan a macinanao ji Yeso am amyan so asa ka tao a meyngaran so Yota a tao do Isecyadi. Iya rana am mangay ori do panipanirsirngen da no mapatanatanang so nakem da si Ama ta do to a manazang ni Yeso jira.

Make 14:18

Maniring si Yeso do ikalimot da koman am, “To ko na macitangayan jinyo am yamyan jinyo so yasa ka tao a yamacihanghang jyaten a yamanazang nyaken.”

Make 14:35

Meyratateng am karwan na sira ni Yeso so kabneng no keytan so karairai a kapeyrorokma na a mapasyasi ji Ama ta do to. Maniring am, “No si apyahen mo am pakarwen mo o yatey rako a alalaw ko an.”

Make 14:40

Karahan am meysinaoli a mangay do macinanao jya. Am akman sang, ta mitkeh sira, ta tey makaha rana sira. Am ori o ji da makatenngi ji Yeso a pacisirsirngan.

Make 14:42

Kayokay kamo na, kangay tamo rana. Cita kamo o yamanazang nyaken a tao a yarana mai.”

Make 7:9

Maniring pa jira am, “Yakamo tey mateneng a yatomaosya so Ciriciring na ni Ama ta do to, do yanyo kahahap so icicirawat no ineynapo nyo.

Make 9:31

Ta nanawen na pa sira o macinanao jya. Maniring jira am, “Itoro da o Nipamnekan na ni Ama ta do to a tao do macioya jya tao a kawakwak da sya. Si ikatlo na araw no niwakwak da sya am mirwa mavyay.”

Yowani 12:23

Maniring si Yeso am, “Yarana makaranes o araraw no ikazway no Nipamnekan na ni Ama ta to a tao.

Yowani 12:27

“Yako meyngen so onowned sicyaikwaya. Ikongo pa o ciring ko. Manngwa, apya o kapanci ko ni Ama mapaliklik so yaomanam a alalaw ko? Am o peypeypangayan no ko nyai do karawan am ahapen ko o alalaw ko ang.

Yowani 17:1

Mateyka ni Yeso o ciring na am tangarahen na o hanit. Maniring am, “Mo Ama, oya rana o araraw. Azwazwain mo o Anak mo. So icyakman na sang no Anak mo a zomwazway jimo.

Yowani 7:30

Karahan am naknakmen da rakpen am abo tao a manapet jya, ta beken a araraw na pa no irakep da sya.

Yowani 8:20

O ciring rana ya am mina ciring ni Yeso do pangapangayan da so kingking da a kavangan do rako a panaralayan da. No kanang am abo tao a amrakep sya. Ta beken pa araw na no irakep da si Yeso.

Nimlivolivon 7:52

Amyan so asa ka panoyonoywan na so ciring ni Ama ta do to a ji da nipakakasi no ineynapo nyo an? Yabo. Niwakwak da sira o meylimwang no omanam a mai a Misayya. Iya rana am tey yapya o nakenakem na a omahap so vazay ni Ama ta do to a nipacinginangina nyo a niwakwak nyo.