Make 14:38 - Seysyo No Tao

³⁸ Maniring pa jira am, “Meytataziman kamo a meynozi. Ta kalittan kamo an. Tana nyo apyahen do onowned nyo am nyo jyapakongo o nyo kapeynozi.”

Make 14:38 ပူးပေါင်းရင်းမြစ်များ

Matay 24:42

Am ori o ipeytataziman nyo, ta ji nyo a tenngi o araraw no yai ko a Panirsirngen nyo.

Matay 25:13

Maniring rana si Yeso am, “Ori an, ipeytataziman nyo an. Ta ji nyo a tenngi o araraw na no yai ko.

Matay 26:41

Meytataziman kamo a meynozi an, ta kalittan kamo an. Tana nyo apyahen do onowned nyo am nyo jyapakongo o nyo kapeynozi.”

Matay 6:13

Ji mo yamen amya kalittan. Apzatan mo yamen mo Ama do to, do kararatan do teyrahem. [Ta imo rana am ka tey mowyat a tey mazway a Tao do to a yatomalamozong nyamen a mangay do kaidan no karawan. Amin.]’

Make 14:34

Maniring jira am, “Ko mazabab so onowned a toda jyawakwak. To kamo ngyan do jya. Am meytataziman kamo an.”

Make 14:37

Meysinaoli a mangay jira am macita na o tatlo a ka macinanao jya makapya mitkeh. Maniring rana ji Pite am, “Mo Simong, ka mitkeh? Manngwa, ji nyo nahap o asa ka vatvatek a ji nyo ngitkehi?”

Make 14:39

Akman sang a komaro jira mangay a meynozi. Am akman sang o ciring na ji Ama ta do to.

Locya 21:36

Ori o ikakdekdeng nyo pa meynozi an. Ta ori o ipakahatas nyo so yaomanam a alalaw. So ikabo no ikeykarahet nyo do tangain ko.”

Locya 22:40

Makaranes sira do dang am ipanci na jira ni Yeso. Maniring am, “Meynozi kamo an, ta kalittan kamo an.”

Locya 22:46

Maniring jira am, “Ikongo nyo ipeykaititkeh. Kayokay kamo na kapeynozi nyo, ta kalittan kamo.”

1 Kedinto 16:13

Meytataziman kamo an. Makahadpet kamo so nakenakem a omraralay ni Ama ta do to. Ji kamo a nyahey.

Cyalatay 5:17

Ta o marahet a ikeykakza no kataotao ta am macitarek a kano ikakza na jyaten no Seyzi. So icyakma dey meykavosoyan, do kazazat na jyaten no Seyzi a mangozay do marahet a ikeykakza no kataotao ta.

Veydipi 2:12

Manga kakteh, no kapacikaop ko pa jinyo am masangib kamo a omamizing jyaken. Am ori o ikakdekdeng nyo pa omahap so ciring ko do ikabo ko jinyo do dang an. Makapzat kamo an. Makowyowyat kamo a mahap so vazay na ni Ama ta do to. Ta ori rana am manoyong a vazay no nimamlis so nakenakem a tao.

1 Pite 5:8

Meypepzat kamo. Taosya o kakma nyoy mitkeh so onowned. Ta si Satan a kavosoyan nyo am yakmey kokoman so tao a yaji yakneng do na yanan a yameykala so tao a na kanen a na pasyain so nakem ji Ama ta do to.

Ipaziman 3:10

Ta inyo rana am nyo pangononongan o ciring ko a yaji macizizikna jya. Am ori o apzatan ko jinyo no meydedna do karawan o alalaw a ileylamdam ko so tao do karawan.