Make 14:28 - Seysyo No Tao

²⁸ Am si mirwa ko a mavyay am manmanma ko a ka ninyo a mangay do Cyadidi.”

Make 14:28 ပူးပေါင်းရင်းမြစ်များ

Matay 16:21

Nimacipinda no kanang o kato na rana mapazimakmakan so ciring na do macinanao jya a manci no kangay na do Yelosaleng. So ikaro na do dang no alalaw na itoro da jya no kamanrarakehan da no tao do Yotay a kano panipanirsirngen da no mapatanatanang so nakem da si Ama ta do to a kano mangnanao no iwawalam ni Ama ta do to a kawakwak da sya. Am ikatlo na araw am mirwa pa mavyay.

Matay 26:32

Am no si mirwa ko a mavyay am manmanma ko a ka ninyo a mangay do Cyadidi.”

Matay 28:10

Maniring jira si Yeso am, “Ji kamo anyahey. Angay kamo na kapanci nyo nya do karwan nyo a mangay do Cyadidi. Cyaha, ta macita da yaken do dang.”

Matay 28:16

Makaranes sira o asa so ikakarwan a macinanao jya do Cyadidi am mangay sira do nipamnekan ni Yeso a angayan da tokon.

Matay 28:7

a kangay nyo na manci nya do macinanao jya, ta yarana nimirwa mavyay. So ipanmanma na mangay do Cyadidi a ka ninyo. Cyaha, ta to nyo na cita do dang. Peyyanen nyo do onowned nyo o ko nipanci jinyo a ciring ang.”

Make 14:29

Maniring si Pite am, “Tana peymakarwan da imo no tao am jyabo kakaro ko jimo a.”

Make 16:7

a kangay nyo na manci nya do macinanao jya. Ipanci nyo ji Pite, ta o ciring na ni Yeso am manmanma pa ka nira a mangay do Cyadidi. So ipakacita da sya do dang. So na ipangononong no mina ciring na jira.”

Yowani 21:1

Kadadayan na so araraw am mangay pa mapacita do macinanao jya do ngaranan da Tipilyo a rako a meybebneng a ranom. O mina vazay da no kano nang am yata malavat do jya an.