Make 14:22 - Seysyo No Tao

²² Koman sira am ahapen na ni Yeso o pang a isaray na ji Ama ta do to a kakcikcil na sya a itoro do macinanao jya. Maniring am, “Kanen nyo ya, ta kataotao ko ya.”

Make 14:22 ပူးပေါင်းရင်းမြစ်များ

Matay 14:19

Makarahan am ipanci na sira o tao a amlisna do katamtamkan a kahap na so alima ka myanpaw a kano adwa ka among a katangara na so hanit a somaray nya ji Ama ta do to a kakcikcil na so myanpaw a itoro do macinanao jya a kavonong da rana sya do aro a tao.

Make 10:16

Makarahan am sapopowen na o kanakan, kateyteyhesa na sira apwapwen no lima na a ipanlanlag.

Make 14:21

O ciring rana do Seysyo am wakwaken da o Nipamnekan na ni Ama ta do to a tao. Am o manazang nya tao am to makasi. Apyapya rana kaji na nimatazakan a tao do karawan.”

Make 14:23

Karahan am ahapen na rana o kopo a yanan no potaw cyo a kasaray na nya ji Ama ta do to a katoro na rana nya do macinanao jya a keyyop da rana sya.

Make 14:24

Maniring si Yeso am, “Oya rana am rala ko a nimvoyog a omaing do aro a tao. O rala ko rana ya am yongkad nyo do avayo a pangozayan nyo a ciring na ni Ama ta do to a mapatastas so omanoyong jya tao.

Make 6:41

Todahen na ni Yeso o alima ka myanpaw a kano adwa ka among am tangarahen na rana o hanit a kasaray na rana nya ji Ama ta do to, a kakcikcil na rana so myanpaw a itoro do macinanao jya. Makarahan am vonongen da rana sya do aro a tao. Akman sang o among a itoro na do macinanao jya.

Locya 22:17

Ahapen na ni Yeso o kopo a yanan no potaw cyo am isaray na ji Ama ta do to. Meyratateng am maniring jira am, “Oya rana ya am ahapen nyo a kavonong nyo sya ayopen.

Locya 24:30

Amhezsad a macihanghang jira si Yeso am ahapen na o myanpaw kasaray na nya ji Ama ta do to a kapeyketeb na sya a itoro na jira.

Yowani 6:23

Amyan so nimapo do Tipilyo a tataloran a manbong do masngen do nyahapan na ni Yeso so myanpaw a isaray ji Ama ta do to a nibsoyan na so aro a tao.

1 Kedinto 10:4

Akmey asa sira niminom so ranom a nitoro na jira ni Ama ta do to a nimvoyog do vato. O vato rana am akmey kataotao na ni Yeso Kizisto a nimacihza jira.

Cyalatay 4:25

O Sinay a tokon am amyan do Alapo. Akma ney kehngehngay no tao do Yelosaleng a mangozay do iwawalam ni Moyse.