Make 14:20 - Seysyo No Tao

²⁰ Maniring si Yeso am, “O yasa ka tao jinyo do yararwa so ikakarwan o macizanod jyaken a tomahem so kanen na am iya ori.

Make 14:20 ပူးပေါင်းရင်းမြစ်များ

Matay 26:23

Maniring si Yeso am, “O yamapazanod so lima na jyaken a yatomahem so kanen na do kakanan am iya ori o yamanazang nyaken.

Matay 26:47

Ji pa vitos o ciring na ni Yeso am mai rana si Yota a ikararwa da so ikakarwan no macinanao jya a kapacilolo da no aro a tao a meyhavit so takzes a kano sisipzot da kayo. Sira ori am nitovoy da no panipanirsirngen da no mapatanatanang so nakem da si Ama ta do to a kano kamanrarakehan da no tao do Yotay.

Make 14:19

Mamizing da ori am marahet sira so onowned o macinanao jya. Am ori o nikateyteyras da manangangay nya ji Yeso. Maniring sira am, “Yaken an?”

Make 14:21

O ciring rana do Seysyo am wakwaken da o Nipamnekan na ni Ama ta do to a tao. Am o manazang nya tao am to makasi. Apyapya rana kaji na nimatazakan a tao do karawan.”

Make 14:43

Ji pa vitos o ciring ni Yeso am mai rana si Yota a pacihzan da no meyhavit so takzes a kano sisipzot a tao. Sira ori am nitovoy da no panipanirsirngen da no mapatanatanang so nakem da si Ama ta do to a kano mangnanao no iwawalam ni Ama ta do to a kano kamanrarakehan.

Locya 22:47

Ji pa nikomavos o ciring ni Yeso am mangay sira o aro a tao a palolwen na no asa ka macinanao jya a meyngaran so Yota. Iya rana am to manmanma a mangay omrapong si Yeso.

Yowani 13:26

Maniring si Yeso am, “O torwan ko no pang eya am iya ang.” Iptad na o ciring na am mangap so asa ka pang a kapatodeh na sya ji Yota a anak ni Simong a tao do Isecyadi kahap na sya.

Yowani 6:71

O ciring rana ori am pakacirngen na ni Yeso do tao do Isecyadi a anak ni Simong a meyngaran so Yota. Iya rana am ikararwa da so ikakarwan a omanam pa o kapanazang na ni Yeso.