Make 13:26 - Seysyo No Tao

²⁶ No si marateng rana ori am meytotwaw ko rana a Nipamnekan na ni Ama ta do to a tao do cinalab a meygegcin no rako a oyowyat ko a kano azwazway ko.

Make 13:26 ပူးပေါင်းရင်းမြစ်များ

Matay 16:17

Maniring si Yeso am, “Imo rana Simong a anak ni Yowani am ka tey yapya so ngilin. Ta o nanao rana ya am beken a tao yanimapahap sya jimo. Ta si Ama ta do to o yanimapatwaw sya jimo.

Matay 16:27

Yaken rana a Nipamnekan na ni Ama ta do to a tao am maciralay ko do azwazway na ni Ama kano aro a tinsi a meygegcin. To ko palololwa o yazaw ko so mina vazay da jyaken no tao.

Matay 16:28

To ko na macitangayan jinyo am o tao a yatomanek do jya am amyan jira ang so makapis pa jyaken a Nipamnekan na ni Ama ta do to a tao a mai a tomalamozong no karawan, do ikamavyay da pa.”

Matay 24:30

No si marateng ori am meytotwaw rana o tovil no Nipamnekan na ni Ama ta do to a tao a meygegcin do karawan. Amzikzik rana sira manyahey o aro a tao do karawan. Ta macita da rana yaken a Nipamnekan na ni Ama ta do to a tao a meygegcin do cinalab no rako a oyowyat ko a kano azwazway ko.

Matay 25:31

“No si meypanirsirngen o Nipamnekan na ni Ama ta do to a tao a macihza do tinsi ni Ama ta do to am amlisna do mazway a lilisnan na.

Make 14:62

Maniring si Yeso am, “Noon. Manoyong. Mamimin kamo a makacita so Nipamnekan na ni Ama ta do to a tao a omlisna do wanan na ni Ama ta do to a meygegcin do cinalab a mai do teyrahem.”

Make 8:38

O tao rana do karawan sicyaikwaya am yatey yaro rana o raraten da. No amyan so tao a macimanig nyaken a kano ciring ko am no meysinaoli ko a Nipamnekan na ni Ama ta do to a tao a macihza do azwazway ni Ama ta do to a kano aro a tinsi am abo nakenakem ko sya.

Make 9:1

“To ko na macitangayan jinyo am o yameytatanek do jya tao am amyan jira so makapis pa so azwazway na ni Ama ta do to a meygegcin do karawan do ikamavyay da pa.”

Locya 21:27

So ipakacita da jyaken a Nipamnekan na ni Ama ta do to a tao do cinalab a meygegcin no azwazway a kano rako a oyowyat ko.

Nimlivolivon 1:11

“Inyo rana a tao do Cyadidi am ikongo nyo ipeytatanek do jya a yatomangara so hanit. Ta si Yeso eya yakomaro rana jinyo a yamangay rana do teyngato am akman sang, ta mirwa pa meysinaoli do teyrahem a maciralay do cinalab.”

1 Tesalonicya 4:16

Ta no si marateng rana o araraw no nang am meygegcin si Yeso a tomawag jyaten a keyyan no panirsirngen no tinsi a manci nyaten. No mamizing ta o zapa do teyngato a ipatao na jyaten ni Ama ta do to am o niomanoyong ji Kizisto a nimawakwak rana tao am manomanoma sira mirwa a mavyay.

2 Pite 1:16

Beken a namen to mangamaog so kavavatanen a namen ipamizing jinyo a yamanci no keypirwa na mai ni Yeso Kizisto a yatey mowyat a Panirsirngen ta. Ta manoyong o kanimakacita namen sya a tey mazway a Tao do to.

Ipaziman 1:7

Citahen nyo an, si Yeso Kizisto a maciralay do cinalab a mai an. Mamimin o tao a makacita sya, mangay do nimapadket sya do jyojika tao o makacita sya. So ikamimin no tao do karawan a malaw nya so onowned a makaranes do karawan. So ikanoyong no akman so sang.