Make 13:22 - Seysyo No Tao

²² Ta amyan so tao no makwa a manci no ka si Kizisto da kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da do nipamnekan na ni Ama ta do to a yamraralay nya tao.

Make 13:22 ပူးပေါင်းရင်းမြစ်များ

Matay 24:24

Ta amyan so tao no makwa a manci no ka si Kizisto da tao a kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da so tao. So icyakman da so sang a mapeycyakawad so nipamnekan na ni Ama ta do to a yamraralay nya tao.

Matay 7:15

“Azimanen nyo o malas so ipangnanao a tao. Ta akmey apiya o ipangnanao da am jyakman sang, ta tey manginanawa sira a mangalalas so ciring.

Make 13:21

“No amyan so tao a manci nya jinyo so, ‘Oya do jya si Kizisto. Ori do kwang si Kizisto,’ am ji nyo nganoyngi.

Make 13:23

Azimanen nyo. Ta ko rana nipanmanma a ipanci jinyo o akman sang a vazay.

Make 13:6

Ta amyan so tao a amvood so ngaran ko a manci no ka Kizisto da a ilita da do aro a tao.

Yowani 4:48

Maniring si Yeso jya am, “No si macita nyo o vazay a yongkad no kayapo ko ji Ama ta do to am, ori o ipanganoyong nyo.”

2 Timotay 2:19

Am yajyablis o manoyong a nanao na ni Ama ta do to. Ta maniring do nivatvatkan a Ciriciring am, “Katenngan na ni Yeso o omanoyong jya tao.” Maniring pa am, “O manci no kararalay da ni Ama ta do to am peymakarwan da rana o raraten da.”

1 Yowani 2:18

Manga ovay, yarana makeykai o na pangavosan no karawan. Nimamizing nyo na o na kai no Omalalas ji Kizisto a tao. So yada ikanoyong no omalalas ji Kizisto a yarana meytotwaw. O vazay rana ori am ipakateneng ta na do kasngen na rana no pangavosan no karawan.

1 Yowani 2:19

Sira rana omalalas ji Kizisto a tao am sya ji meyngongyod ori a omraralay ni Kizisto. Am ori o da rana ji macilovoci jyaten. O manoyong a omraralay ni Kizisto am macikaop sira jyaten. Am sya ji macikaop jyaten sicyaikwaya. Am ori o ta ipakateneng jira omalalas ji Kizisto.

1 Yowani 2:26

O yadomket do teygami ko a ciring am yako ipaziman jinyo do kaji nyo ngamizngan so malas so ipangnanao a tao.

Ipaziman 13:8

O tao rana do karawan a jidket so ngaran do vakong no niwakwak da Kagling a yanan na rana no to meyyonong a ikavyay no pahad da tao am ori o amraralay nya. O vakong rana ya am na adketan no ngarangaran da no kaji na pa mangamaogan so karawan.

Ipaziman 17:8

O nimacita mo a omalalam am nimavyay pa no kakwa am yarana maliman sicyaikwaya. So ikakeykai na rana mai a apo do abo so takadan a gazawagaw a jyatenngi so karaherahem a meypangay do kararatan a ipasingkad na sya ni Ama ta do to. O tao do teyrahem a jidket so ngaran do vakong a yanan na rana no to meyyonong a ikavyay no pahad da no kaji na pa amaogan no karawan am mamimin sira malak no omalalam a nimavyay pa no kakwa yarana maliman sicyaikwaya. So ikanoyong da malak nya no meytotwaw no makwa.