Make 12:6 - Seysyo No Tao

⁶ Ney manowji na am to na rana novoya o ney kaglaw na anak a mangay a macisirsiring do nimvood so nihakawan na, ta manakenakem o mapeymowamowa sya am, ‘Jyabo kaji dasnekan no minapodpod jyaken a.’

Make 12:6 ပူးပေါင်းရင်းမြစ်များ

Matay 1:23

“Amyan so ji meylimoteng so onowned a mavakes a mangalavat so mahakay. O ngaran na am Imaneydi.” O peypeypangayan na am, “Macilovot jyaten si Ama ta do to.”

Matay 11:27

Maniring pa si Yeso jira am, “Yamamimin o meycyamadadayan a na nitoro jyaken ni Ama. So na ikabo no tao a makateneng jyaken. Ta si Ama o yamakateneng jyaken a Anak na. Yabwata o tao a makateneng ji Ama. Ta yaken a kano nipamnekan ko o makateneng jya. So ikabo no matarek a tao a makateneng jya.

Matay 17:5

Ji na pa teyka ni Pite o ciring na am to ngyan so cinalab a ombengbeng sira a keyyan no ciring a maciralay do cinalab ang. Maniring am, “Iya rana am ney kaglaw ko Anak ko. So sarayan ko nya. Amizngan nyo sya.”

Matay 26:63

Am abo o asa ka ciring a pasapahen na jya ni Yeso. Ipirwa na pacicin no panirsirngen no mapatanatanang so nakem da si Ama ta do to am maniring ji Yeso am, “Ko na to mancyan o ngaran ni Ama ta do to a yamanci nimo a manci nya jyamen so manoyong rana ciring mo. Manngwa, manoyong ka ya Misayya, Anak na ni Ama ta do to an?”

Matay 3:17

Meyratateng am amyan so ciring a apo do teyngato. Maniring am, “Iya rana ya am Anak ko a ko tey kaglaw. So yako sarayan nya.”

Make 1:11

Makarahan am maciralay o ciring na ni Ama ta do to apo do teyngato. Maniring am, “Imo rana am Anak ko imo a ko tey kaglaw. So sarayan ko nimo.”

Make 12:5

Makarahan am manovoy pa so asa ka lamlamsoy na mangay. Mangay ori am zakaten da. So nikamimin da no nitovoy na tao a nibakbakan da a kapakakasi da so karwan da a wakwaken.

Make 12:7

Meysirisiring rana sira o nimvood so hakawan na tao am maniring rana sira am, ‘Iya ya o yaomamoon so nihakawan na. To ta na wakwaka kamoon ta so nihakawan na.’

Make 9:7

Makarahan am to ngyan so cinalab a macita da a ambengbeng do teyngato da. Meyratateng am to ngyan so ciring a meyzezyak. Maniring am, “Iya rana am ney kaglaw ko a Anak. Amizngen nyo o ciring na.”

Locya 3:22

So niyan na no Seyzi akman so hato a someyked do kataotao na. Am ori o niyan no ciriciring a nimapo do teyngato. Maniring am, “Manoyong ka Anak ko an. So sarayan ko nimo an.”

Locya 9:35

Meyratateng am amyan so ciriciring do cinalab a manci no, “Iya rana am nipamnekan ko Anak ko. So amizngan nyo sya an.”

Yowani 1:14

So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.

Yowani 1:18

Abo pa o tao a nimakacita si Ama ta do to. O Anak na yamacikto ji Ama ta do to a yamlisna do katangked na am ori o nipakateneng ta ji Ama ta do to.

Yowani 1:34

Ko na nimacita. Am ori o ko pancyan nya jinyo o na kanoyong a Anak na ni Ama ta do to.”

Yowani 1:49

Maniring si Natannay am, “Mo Mangnanao, ka manoyong a Anak ni Ama ta do to a Panirsirngen no Isedi a tao.”

Yowani 3:35

O Ama na am marilaw no Anak na. So na nitorwan no makakaday jya a italamozong na.

Yowani 5:23

mangay kazwazway da jyaken no tao do karawan. Akman sang si Ama a azwazwain da. Am o to nazibo nyaken a Anak na ni Ama am akman sang si Ama a da to nazibwan.

Sipolay 1:6

Am tovoin na o veyvowen na Anak ni Ama ta do to do karawan am maniring si Ama ta do to am, “Mamimin sira o tinsi a amraralay nya.”

1 Yowani 4:9

Na nitovoy ni Ama ta do to o veyvowen a Anak na a yamapacita no pangangarilawan na jyaten. So ikanoyong ta makahap so to meyyonong a ikavyay no pahad ta.

3 Yowani 1:1

Yaken rana am cyozo ko a yameyteygami ni Cyayo a ney kaglaw ko a akma koy kakteh do cinai.