Make 12:37 - Seysyo No Tao

³⁷ Abneken na ni Tawey a Panirsirngen na o Misayya. Am ikongo peysivovoongan na syaha.” So ikatey yaro no tao a masaray a omamizing so ciring ni Yeso.

Make 12:37 ပူးပေါင်းရင်းမြစ်များ

Matay 1:23

“Amyan so ji meylimoteng so onowned a mavakes a mangalavat so mahakay. O ngaran na am Imaneydi.” O peypeypangayan na am, “Macilovot jyaten si Ama ta do to.”

Matay 11:25

No kanang am maniring si Yeso am, “Mo Ama a Panirsirngen do teyngato a kano karawan, ko isaray jimo, ta mo nibengbeng do mapakateneteneng a tao o aro a vazay, a mo kapatwaw sya do yamapehbo so nakem da a tao,

Matay 11:5

do yada kapakacita rana no nimavota tao. Da kapakalam rana no nimakasapa a tao. Yada kapya rana no niomlabyab so kolit a tao. Da kapakamizing rana no nimateleh a tao. Da kavyay rana no nimawakwak a tao. Da kapakamizing rana so Mapasaray a Ciriciring no ipangoyongoyod da a tao.

Matay 21:45

Mamizing da o ciring ni Yeso no panipanirsirngen no mapatanatanang so nakem da si Ama ta do to a kano tao a macyagom do Vadisay am makazazap da rana o kapakaciring na sya jira ni Yeso so ciring ang.

Matay 21:46

Am ori o naknakman da rana so karakep da sya. Am kanyahey da no aro a tao. Ta anoyngan da no aro a tao si Yeso a panoyonoywan na so ciring ni Ama ta do to.

Locya 19:48

Am kaji da makatenngan jya rakpen, ta aro tao a makza no ipangnanao na.

Locya 21:38

Mayokay o aro a tao am mangay sira do tangain na do rako a panaralayan a omamizing so nanao na.

Yowani 12:9

Mamizing da si Yeso no aro a tao a amyan do Potani am mangay sira jya. Beken a kanakenakem da so kangay da ji Yeso, ta naknakmen da pa o kangay da tomita si Lasalo a nyavyay na ni Yeso.

Loma 9:5

Sira rana am sivosivovoong da sira no katenngan a ineynapo namen no kakwa. So ipacitetngehan na jira ni Kizisto. Am si Kizisto rana am makarakarang pa kano meycyamadadayan. So ikanoyong na paingan ta so ciring a Tao do to. Amin.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

Yake 2:5

Amizngen nyo manga keypong an. Na nitenngan ni Ama ta do to sira o makasi a tao do karawan a makdeng so nakem a omraralay nya. So da ikanoyong a makahap so nakem na sira ni Ama ta do to a macikaop rana do italamozong na.

Ipaziman 22:16

“Yaken rana am si Yeso ko. Nimanovoy ko so lamlamsoy ko a tinsi a meylimwang nya jinyo so vazay eya do peycyakyokyokayan na. Yaken rana am sivovoong na yaken ni Tawey. Yaken rana am akmey karow a mata no hanit.”