Make 12:35 - Seysyo No Tao

³⁵ Mangnanao si Yeso do rako a panaralayan am mapacici no asa ka ciring. Maniring am, “Ikongo da pancyan no mangnanao no iwawalam ni Ama ta do to so kapeysivovoong na so Misayya ni Tawey.

Make 12:35 ပူးပေါင်းရင်းမြစ်များ

Matay 26:55

Karahan am maniring si Yeso do aro a tao am, “Kamo mapalolo so takzes a kano sisipzot a yamrakep jyaken? Nyo patpehen yaken do manakaw a tao? Ko mangday a yamangnanao so tao do rako a panaralayan am nyo ji rakpa yaken.

Matay 9:27

Karwan na do dang ni Yeso am amyan so rarwa ka mavota tao a macilolo jya. Maniring sira am, “Imo rana sivovoong ni Tawey am ikarilaw mo pa yamen!”

Make 10:1

Karwan na rana ni Yeso do dang a kapeyhavas na do ayo a meyngaran so Yotan a meypangay do Yotay. Macita da sira no aro a tao am meysinsinmo sira do tangain ni Yeso. Akman sang a amnanao sira.

Make 11:27

Mirwa sira mangay do Yelosaleng. Omalam si Yeso do reryan no rako a panaralayan am mai sira o panipanirsirngen da no mapatanatanang so nakem da si Ama ta do to a kano mangnanao no iwawalam ni Ama ta do to a kano panipanirsirngen da.

Make 14:49

Ko mangday so araw a yamangnanao so tao do rako a panaralayan. Kamo masangib a yamacikaop jyaken am nyo ji rakpi jyaken. Am kangay na mangononong no ciring do Seysyo.”

Locya 19:47

Mangday do araraw si Yeso a mangnanao so tao do rako a panaralayan. O panipanirsirngen no mapatanatanang so nakem da si Ama ta do to a kano mangnanao no iwawalam ni Ama ta do to a kano kamanrarakehan da am naknakmen da o kawakwak da sya.

Locya 20:1

Ipisa kapangnanao na ni Yeso no Mapasaray a Ciriciring do rako a panaralayan am amyan so panipanirsirngen no mapatanatanang so nakem da si Ama ta do to a kano mangnanao no iwawalam ni Ama ta do to a kano kamanrarakehan da a mangay tomita sya,

Locya 21:37

No maraw am mangnanao do rako a panaralayan si Yeso. No mahep am mangay do Kanlan a tokon a kaitkeh na do dang.

Yowani 18:20

Maniring si Yeso am, “Ko masangib a yamangnanao do da kalwalovotan no tao. So yako ikasangib a yamangnanao so tao do peyneynozyan a kado rako a panaralayan. So yana ikabo no yako powziben a ciring ko.

Yowani 7:42

Ta maniring do Seysyo am macikownongan ji Tawey o Misayya. Am mangay malikey do mina ili na ni Tawey a meyngaran so Podiheng.”