Make 12:14 - Seysyo No Tao

¹⁴ Maniring sira ji Yeso am, “Mo Mangnanao, namen katenngan imo a yaji mangalalas a tao. Namen katenngan imo a yamapeyyangangay so tao a nanawen, do mo kapeylimwang no ciriciring na ni Ama ta do to. Am pancyan pala jyamen. Manngwa, apya do iwawalam ta o katoro ta do panirsirngen no Loma si Kaysa an? Manngwa, tomoro namen an? No ji namen noro.”

Make 12:14 ပူးပေါင်းရင်းမြစ်များ

Matay 22:16

Meyratateng am mapahanhan sira so macinanao jira tao a macihza do macikagom ji Helote a tao a mangay ji Yeso. Maniring sira jya am, “Mo Mangnanao, namen katenngan imo a yaji mangalalas a tao. Ka ji mapeypilipili so tao no jyangowa Ciriciring na ni Ama ta do to.

Matay 22:17

Pancyan pala jyamen o mo ahahapan sya. Manngwa, apya do iwawalam ta o katoro so deyking ji Kaysa panirsirngen no Loma an?”

Make 12:13

O tatasa ka tao a macyagom do Vadisay a kano macikagom ji Helote a tao am nipahanhan da sira mangay ji Yeso. Naknakmen da o kapeykala da so malas a ciring na ipatwaw da so kalasan na.

Make 12:15

To na rana tenngi ni Yeso o keyleylamdam da sya. Maniring jira am, “Ikongo nyo ileylamdaman jyaken. Inya kamo pala so asa ka nizpi. Ta citahen ko.”

Make 14:45

Kapakaranes na ni Yota am mangay na rapongen si Yeso a manci no, “Mo Mangnanao.”

Locya 20:22

Ipanci mo pala jyamen do iwawalam ta. Apya o katoro namen so deyking do panirsirngen no Loma a meyngaran so Kaysa?”

Locya 23:2

a kalavat da rana so iraherahet da sya. Maniring sira am, “Namen nimacita ya yamapasozisozi so keylyan ta a na kapanci pa no ji noro so deyking do panirsirngen a na kapanci no kataotao na si Kizisto a panirsirngen.”

Yowani 7:18

O mapagaz so ciring do kataotao na am manoyong o akman sang a mapazway. Am o tao a makza no kazwazway da so nimapahanhan sya am manoyong o akman sang a jyalas.

Loma 13:6

O itoro nyo a deyking do seyvo am itoro nyo, ta o meyvazay da no amyokod ninyo a tao am vazay ori ni Ama ta do to.

2 Kedinto 2:17

Namen jyakman so aro a tao a yamacininizpi no nanao ni Ama ta do to. Ta namen meyngongyod a nipamnekan ni Ama ta do to a yameylimwang no ciriciring na. So namen ikanoyong a yaji mangalalas so ciring a lamlamsoy na ni Kizisto.

2 Kedinto 2:2

No si yaken yaomrahet so aktokto nyo am sino pa o ipeyhanhan ko a mapasaray jyaken. Inyo saon o mapasaray jyaken.

2 Kedinto 4:1

Yamanoyong si Ama ta do to a yamarilaw nyamen do na kapahanhan jyamen do vazay na. Ori o namen rana jyaraci nya so onowned.

2 Kedinto 5:11

Namen katenngan o kapeypanam no kapacici na jyaten ni Ama ta do to. Am ori o namen vavagan do tao a amraralay ni Ama ta do to. Ta yana katenngan o onowned namen ni Ama ta do to. Inaoy si akman kamo sang a makateneng do onowned namen.

2 Kedinto 5:16

Am ori o ji ta to mangozai do ahahapan ta sya a tomita so icyatatao ta. Tana akman so sang o nyahahapan ta si Kizisto no kakwa am cyaha, ta tamo na niblisan sicyaikwaya.

Cyalatay 1:10

Manngwa, ko kakzeben o kazwazway da jyaken no tao a kapanci ko no akman sang? Jyabo kakman na sang a. O ko ikakza am azwain na yaken ni Ama ta do to. Manngwa, ko ikakza o kazwazway da jyaken no tao? No ikakza ko o tao a omazway jyaken am beken a lamlamsoy na yaken ni Kizisto.

Cyalatay 2:6

Am sira rana panipanirsirngen am ji ko ngezsangan o keynakem da, kato da katawwan. Ta si Ama ta do to rana am ji na nita o akman sang. O ko pancyan no nang am abo nikarahet da do ipangnanao ko.

1 Tesalonicya 2:4

Ta o yana nipamnekan jyamen ni Ama ta do to am na meypakemkemen jyamen o kapeylimwang namen no Mapasaray a Ciriciring na. Am ori o ji namen mapatareki so ipanci namen a komagkaglaw so icyatatao namen. Ta o makateneng do onowned no tao a Tao do to am iya ori o namen pasarain no vazay namen.