Make 12:10 - Seysyo No Tao

¹⁰ Nyo pa jyatenngi o akman sya ciring do Seysyo? ‘O Vato a niwalit da no mapakapya so vahay am yarana meyvoga a ney makdeng na aslet no ai no vahay.

Make 12:10 ပူးပေါင်းရင်းမြစ်များ

Matay 12:3

Maniring si Yeso jira am, “Manngwa, ji nyo pa nivilangan o vazay da da Tawey a kano kararay na tao no kakcin da?

Matay 19:4

Maniring si Yeso am, “Manngwa, ji nyo pa nivilangan o ciring do Seysyo? Ta maniring am, ‘No kavayo na pa mangamaog so karawan ni Ama ta do to am nimangamaog so mahakay a kano mavakes.’

Matay 21:16

Maniring sira ji Yeso am, “Mo mamizing sira yamlololos a yameyzezyak ang?” Maniring si Yeso am, “Noon, ko mamizing. Ta maniring do Seysyo am, ‘Ninanao mo o kanakan a kano si Kekey pa so ngaran a mapatwaw so ney yapya na yadmadmay da si Ama ta do to.’ Manngwa, ji nyo pa nivilangan o akman sang a ciring?”

Matay 21:42

Maniring si Yeso jira am, “Ji nyo nivilangan pa o ciring do Seysyo? Maniring am, ‘O Vato a niwalit da no mapatnek so vahay am yarana nimeyvaliw a ney makdeng na aslet no ai no vahay. So ikanoyong no vazay ni Ama ta do to a mapeyzokab.’

Matay 22:31

O vazay rana omagaz do keypirwa mavyay no tao am manngwa, ji nyo pa nivilangan o Ciriciring na ni Ama ta do to?

Make 12:26

O vazay rana ano mirwa a mavyay o nimawakwak a tao am manngwa, nyo jya nivilangan o vakong ni Moyse do jyasleb a kayo? Maniring ji Moyse si Ama ta do to am, ‘Yaken rana am Tao do to na yaken ni Apolahan a kani Isa kani Yakebo.’

Make 12:9

Maniring rana si Yeso am, “Meypeypanngonngo paro o meyngongyod a mapeymowamowa sya tao. Jyabo kavyay na sira so nimvood so nihakawan na tao a ji na ngaolya jira o peymowamowan na, katoro na nya vooden da no matarek a tao a.

Make 13:14

“Macita nyo o mapaoya a somazovaz si Ama ta do to a mangay da patneken do ji nyo mamyapyan a tankan na. (No vilangan nyo a ciring eya am to nyo na naknakma o peypeypangayan na.) No si marateng ori am o meyvahay do Yotay am mangay sira tomayo do takey.

Make 2:25

Maniring jira si Yeso am, “Ikongo o mina vazay ni Tawey no kakcin na. Ji nyo pa nivilangan? No kano nang am makcin si Tawey a kano kararay na.

Locya 6:3

Maniring si Yeso am, “Manngwa, ji nyo pa nivilangan o vazay da da Tawey a kano kararay na tao no kakcin da?

Loma 9:33

Akman so ciring do Seysyo. Ta maniring am, “Citahen nyo, ta yako mapangay so yasa ka veysen do yasa ka ili a meyngaran so Sian. O veysen rana ori am cikadan da no tao. Am o meyhanhan nya tao am amyan so nakem na jira ni Ama ta do to.”