Make 11:23 - Seysyo No Tao

²³ apya kapanci nyo no tokon a meylis a mangay do awa. No manoyong kamo a ji meykarwa so nakem ji Ama ta do to a omanoyong do ciring na am manoyong keyyan no akman sang a vazay nyo.

Make 11:23 ပူးပေါင်းရင်းမြစ်များ

Matay 14:13

Mamizing na ni Yeso o kanimawakwak na ni Yowani am omavang do vazangay a kano macinanao jya a komaro do dang a kaveyvow na mangay do kabwan no tao. Katenngan da no aro a tao am omalam sira a apo do peycyeylilyan na a omonot jya.

Matay 17:20

Maniring si Yeso am, “O nyo ikakman sang am yaji makanet pa o nakenakem nyo si Ama ta do to. To ko na macitangayan jinyo am tana akman kamo so alikey a vettow no nappa so kakdekdeng no nakem am tana to nyo nirsirnga o tokon a meylis do yanan na kangay na do kwang am meylis ori an. So ikabo no ji nyo a peyvazay a vazay.

Matay 21:21

Maniring si Yeso am, “To ko na macitangayan jinyo am no manoyong kamo a meyhanhan ni Ama ta do to a ji meykarwa so nakem am akman kamo sang a makapeyvazay so yako mina vazay ang. Am beken a ori an. Ta tana to nyo nirsirnga o tokon a mangay do awa am mangay ori an.

Locya 17:6

Maniring si Yeso am, “Tana akman kamo so alikey a vettow no nappa so kakdekdeng no nakem am tana to mo nirsirnga o kayo a manci no, ‘To ka botbot a kangay mo amlida do awa,’ am jyabo kaji na ngonotan jinyo a.

Yowani 14:13

No mapasyasi kamo a meyhanhan no ngaran ko am amizngen ko inyo. So ikanoyong no azwazway ni Ama ta do to a mangay tomwaw jyaken a Anak na.

Yowani 15:7

No si macikaop kamo jyaken a keyyan na rana no ciriciring ko do onowned nyo am no amyan so amin nyo jyaken am itoro ko jinyo.

1 Kedinto 13:2

Tana mateneng ko a mangononong so ciriciring na ni Ama ta do to a yanan no makakaday a teneng a makateneng do nanao na ni Ama ta do to a mowyat so nakenakem a to rana makapeylis so tokon a mangay do awa, kabo no pangangarilawan ko so icyatatao ko am ikongo peypeypangayan na no nang.