Make 10:52 - Seysyo No Tao

⁵² Maniring si Yeso am, “Angay rana, ta mo rana nikapya o mo kapeyhanhan ni Ama ta do to.” So ji na nimeyyahahai a makacita no mavota tao. Makarahan am macihza rana ji Yeso.

Make 10:52 ပူးပေါင်းရင်းမြစ်များ

Matay 11:5

do yada kapakacita rana no nimavota tao. Da kapakalam rana no nimakasapa a tao. Yada kapya rana no niomlabyab so kolit a tao. Da kapakamizing rana no nimateleh a tao. Da kavyay rana no nimawakwak a tao. Da kapakamizing rana so Mapasaray a Ciriciring no ipangoyongoyod da a tao.

Matay 12:22

No kanang am amyan so tao a mangay nya ji Yeso so kovotan no kalamsoyan ni Satan a ji makabnebnek a mavota tao. Makarahan am iwakwakan na kapakabnebnek na rana kapakacita na rana.

Matay 15:28

Maniring si Yeso am, “Mo kavakes, yatey arako o nakenakem mo si Ama ta do to. So to na rana mangononongi no mo kakdain ang.” So nikapya na rana no anak na no kapanci na nya ni Yeso.

Matay 21:14

Amyan so mavota kano makasapa tao a nimangay do tangain ni Yeso. Ori o niwakwakan na jira.

Matay 8:3

So niparapongan na so lima na jya ni Yeso a kapanci na no, “Ko apyahen. Apya rana o kataotao mo.” So ji na meyyahahai a nimapya no kolit na.

Matay 9:22

Meyvazingowngaw si Yeso am macita na o mavakes ang. Maniring jya am, “Manganako, ka manoyong a meyhanhan nyaken. Am ori o to na rana apyai no ingingnen mo.” Makarahan am mina todapya rana o ingingnen no mavakes ang.

Make 1:31

Ori o nyangay na tomita sya ni Yeso. Makarahan am pinanan na o lima na keyvangon na sya. Am ji na rana nipaingwat. Am ori o nipeyvangon na rana tomaotao sira.

Make 5:34

Maniring jya si Yeso am, “Manganako, ka manoyong a yameyhanhan nyaken. Makapiya ka so onowned a mangay rana, ta yarana apya o ingingnen mo.”

Make 8:25

Makarahan am pinanan na ni Yeso o mata no tao am to rana makacita a kabo na rana no ji na pengpengkad a makakaday.

Locya 7:50

Maniring si Yeso do mavakes am, “Makapiya ka so onowned an. Ta yana rana nipatastas imo ni Ama ta do to, do yamo kanoyong a meyhanhan nya.”

Locya 9:48

Maniring jira am, “O mahap so vazay ko a tomaotao so kanakan eya am yaken an o taotawwen da an. O tomaotao jyaken am akma dey taotawwen o nitomovoy jyaken an. Sino paro jinyo o to mapownot so nakenakem na mangarilaw so icyatatao na. Ta ori o pakarakehen a tao.”

Yowani 9:32

No kamaog no karawan eya am abo pa o tao a to mangiwakwak so mata no nimeycicinda a mavota tao.

Yowani 9:39

Maniring si Yeso am, “O peypeypangayan no yako nyai do teyrahem am ko mapeykapyapinpin so tao. Ko iwangan o mata da no yakmey mavota so pahad a tao a kapakacita da rana. O mapakateneteneng do nanao na ni Ama ta do to am meyvaliw rana sira akmey mavota, abo so katentenngan.”

Nimlivolivon 26:18

Ko tovoin imo a omiwang do mata da kapakacita da rana so kazngangan a komaro do vazay ni Satan a omanoyong rana ji Ama ta do to. So ikanoyong da rana mavonas so raraten a macikaop do amraralay nyaken a tao,’ kwan na yaken ni Yeso.